New Era Newspaper

New Era Epaper
Icon Collap
...
Home / Oshangwana! Aangenga ya tokola okulwitha omapangwe

Oshangwana! Aangenga ya tokola okulwitha omapangwe

2022-01-11  Victoria Kaapanda

Oshangwana! Aangenga ya tokola okulwitha omapangwe
Top of a Page

Aakalimo yomOngenga mOshitopolwa shaHangwena oya hula ko oongaku, noya tokola okukondjitha iingangamithi mbyoka taya ti oya yona po oonkalamwenyo dhaanona oyendji moshikandjohogololo shawo. 

Olyomakaya ga zi ko, aanamukunda mbaka taya ti oya lulilwa oya li ya i unganeke noku ithana opolisi naanambelewa yalwe opo ye ye ya kumagidhe oshigwana kombinga yoshinima shika.  Oshinyangandhala shika osha li sha kwatelwa komeho kuMartha Namhadi, ngoka e li omutotipo nomukwatelikomeho gwehangano lyi lile po okulwitha iingamithi momukunda. 

Pethimbo lyoshiindingili, Omulongisikola omukulu Erastus Mutuleni, okwa popi nkene iingangamithi tayi yonagula po aanona yosikola.

“Iingangamithi oya nkundipaleka omadhilaadhilo gaanona yetu. Itaya pulakene we mootundi, omanga yamwe itaya thiki ko nokosikola,” ta ti ngaaka.

Mutuleni ta ti, aanona yamwe oya shuna pevi miilonga yawo yosikola oshoka inaya itula mo we. “Otatu indile opolisi yi tsikile okulonga nuudhiginini okukwata po aantu mboka taya landitha iingangamithi, ya ninge iiholelwa yakwawo,” ta kumaguidha ngaaka.

Daniel Kleopas okwa ti, oshigwana osha pumwa oku imanga kumwe nopolisi okulongela kumwe opo aantu mboka taya landitha iingangamithi kaanona ya tothwe mo.

“Otandi ndhilandhila oshigwana shi ninge ekanka, opo tu gandje ethano lya yela kutya shoka tashi ningilwa oshigwana naanyasha sha puka notashi hanagula po oshigwana. Ta ti aanona ngashigeyi ihaya pulakene we, naavali yamwe oyi ikonda ko.

Omumvali gumwe Miriam Martin okwa hokolola esiku ndyoka nkene okanona ke komimvo 19, kathigi po osikola, noku tameka taka ehama momutse. Elongitho lyiingangamithi ndika olya eta nokuli opo okanona haka ka longe iimbuluma, nangaashngeyi okeli mondholongo.

“Osha yemateke ndje noonkondo oshoka okanona kandje okwali haka ilongo, taka piti keli puutango sigo uutitatu, nena kandi wete we okanona kandje taka kala po nawa,” ta popi ngaaka.

Ta ti, okanona ke okwali kathigi po osikola omumvo gwayi muSepetemba, ka pikwa shinyanyaleka kiingangamithi.

vkaapanda@nepc.coma.na


2022-01-11  Victoria Kaapanda

Share on social media
Bottom of a page