New Era Newspaper

Icon Collap
...
Home / Osheendo shaanambelewa ye na sha nuundjolowele oshowo Ambasanda gwaJapan muNamibia ya talele po oshitopolwa shaMusati

Osheendo shaanambelewa ye na sha nuundjolowele oshowo Ambasanda gwaJapan muNamibia ya talele po oshitopolwa shaMusati

2021-05-05  Victoria Kaapanda

Osheendo shaanambelewa ye na sha nuundjolowele oshowo Ambasanda gwaJapan muNamibia ya talele po oshitopolwa shaMusati
Top of a Page

Victoria Kaapanda

Helvi Shilongo gwomOutapi ngoka ali akwatwa komukithi gwe huli, okwakumagidha aakalimo yomoshitopolwa moka ya kale aayogoki, okukeelela omikithi hadhi pitile moongaga ngaashi ehuli oshowo oCovid-19.

Shilongo ndhoka okwali edhi popi esiku ehangano lyo World Health (WHO) oshowo ambasanda gwa Japan moNamibia Hideaki Harada, ali atalelepo oshitopolwa shaOutapi, okutala nkene oshimaliwa yali ya gandja okukwathela, okukelela omukithi gwehuli ya kwathele  moshotopolwa moka.

“Omukithi gwehuli ohagu zi moongaga, no hagu taandele mbala mpoka kaapena uuyigoki. Omukithi ngoka okwali gwa kwatandje mo 2018, nondali ndiiyutha koompango adhihe sigo nda kala po nawa,” ta ti ngaaka. Ta hokolola ta ti, tango okwali a mono olutu lwe talu kanitha oonkondo ,kewete ko nawa ethimbo ali azi koVenduka hoka kwali kwa lopotwa omukithi gwe huli tango. “Sho ndali nda yi koshipangelo okwali nda monika omukithi ngoka, no kwali nda fatulilwa kaapangi kutya ohagu zi peni. Ondali ndiitala ashihe nda kumagidhwa nasho, etandi tsikile okunwa oopela dhandje oshowo okwiisila oshimpwiyu,” ta hokolola.

Shilongo okwakumagidha oshigwana shi tule uuyogoki komeho, oshoka omikithi ngaashi ehuli oshowo oCovid-19 ohadhi zi mongaaga.
Ngoloneya gwoshiitopolwa shaOutapi Erginus Endjala esiku ndyoka  okwapandula epangelo lyaJapan sho lyayambidhidha oshitopolwa shawo okukondjitha noku lwitha omukithi gwehuli.

Oprogalama ndyoka okwali yatameke mo2017 no tayi ka hula nuumvo kehulilo lyaJuni.  Epangelo lyaJapan okwali lya gandja oomilliona 40 kuNamibia okukwathela okulwitha omukithi ngoka miitopolwa ayihe moshilongo. Ngoloneya okwa popi ta ti, iimaiwa mbyoka okwali ya kwathele okudhewula aayiyambi, aapangi noshowo okwaandjaneka uupomba wokwiikoha nothewa koonyala, okukalekapo uuyogoki.
“Omukithi gwehuli okwali gwa ponokele moshitopolwa shaMusati mo2018, nokonima okwali gwaandjakana koondolopa, Oshikuku, Okahao, oshowo Otsandi,” ta  popi ngaaka.

Ngoloneya okwali a eta puyelele kutya iipotha ya lopotwa moshitopolwa moka oyili 349.  Aantu yeli ya tano  oya si komukithi ngoka, yeli yane yo muyo oya hulitha omanga yeli momategelelo.
Ambasanda gwaJapan kuNamibia Harada okwali apandula nkene omukithi nguka gwali gwa kondjithwa pamikalo dha yooloka okusindika. “Ondi wete kutya aakalimo oyuuvite ombili sho ya kwathelwa nomeya ngaashi gwo kwiikokaha koonyala, oshowo omalongo ya kala taya pewa kaayiyambi okukalekapo uundjolowele wawo,” apopi ngaaka.


2021-05-05  Victoria Kaapanda

Share on social media
Bottom of a page