New Era Newspaper

New Era Epaper
Icon Collap
...
Home / Oshigongi shaatolinkundana aakiintu shi li ko ngula

Oshigongi shaatolinkundana aakiintu shi li ko ngula

2022-05-13  Victoria Kaapanda

Oshigongi shaatolinkundana aakiintu shi li ko ngula
Top of a Page

Oshigongi shaatolinkundana yaakiintu otashi ka kala ko ngula mOlyomakaya, notashi ka ningwa oshikando oshitiyali.

Oshigongi shika otashi ka ningwa kohi yoshipalanyolo “Osha faathana momikalo dha yooloka”.

Elalakano lyoshigongi shika okugandja oompito dha yooloka kaatooolinkundana aakiintu oshowo okufatululilwa muule esimano nekutho lyoonkatu dhomondjila.

Omulongekidhi gwoshiindingili shika Limba Mupetami okwa fatulula kutya natango otashi ningilwa okunkondopaleka elongelokumwe lyaatolinkundana oshowo iikundaneki.

“Nduka otalu ka kala olweetho olutiyali, ihe otalu ka kala lwa yooloka koshigongi shoka kwa li twa ningi tango,” ta popi ngaaka.

Ta fatulula kutya nuumvo oya gongaleke aatolinkundana yaakiintu okuza kiifokundaneki ya yooloka, mboka taya ka gandja omayuuvo gawo ya tsakaneke moondjila dhawo dhuutolinkundaneki.

“Aatolinkundana ohaya tsakaneke omashongo ga yooloka, ngoka ta tu ka kundathana opo tu mone nkene tu na okuyambidhidhathana noku ga kandula po,” ta ti ngaaka.

Sho ooshoka oshipalanyolo tashi ti, pehulilo ayihe oya faathana momikalo dha yooloka, ihe osha pumbwa ashike okuthamunwa mo noku fatululwa.

Natango okwa tumbula wo ehala lyokulongelwa kaatolinkundana yaakiintu.

“Aatolinkundana aape oye na okukala taya pukululwa mpoka kaaye uvite. Ngele keshi nkene okupopya nomugandji gomauyelele kombinga yoshiningwanima sho ntumba naya yambindhindhwe,”ta ti ngaaka.

Ta ti, oya pumbwa okukala ya manguluka okupula omapulo oshowo okuyambidhidhwa uuna ya huulile muunyengwi.

Omutoolinkundana omukulu Gwen Lister ota ka kala omupopi gwesiku.

Aatolinkundana ya tseyika nawa moshilongo ngaashi Menesia Muinjo,  Paulina Elago, oshowo Nomhle Kangootui otaya ka holoka.

Omukuluntu  gwomauyelele gwoombaanga Selma Kaulinge okwa ti oshigongi shoka itashi ka nkondopeka elongelo kumwe pokati kaatolinkundana ashike, ihe natango otashi ka gandja ompito kaatolinkunda ya gandje oondungethaneko oku eta po omalunduluko gomondjila. 

Ombaanga yedhina Nedbank Namibia oyo ya longekidha oshigongi shika, omanga omahangano ngaashi Anheuser-Busch InBev, Gondwana, Namibia Wildlife Resorts, Pupkewitz Motors oshowo Sugar King ga li ga yambindhindha momikalo dha yooloka.


2022-05-13  Victoria Kaapanda

Share on social media
Bottom of a page