New Era Newspaper

New Era Epaper
Icon Collap
...
Home / Oshikandjohoololo shaNesi tashi dedaulwa keendjaba

Oshikandjohoololo shaNesi tashi dedaulwa keendjaba

2021-06-15  Festus Hamalwa

Oshikandjohoololo shaNesi tashi dedaulwa keendjaba
Top of a Page

Festus Hamalwa 

Ovakalimo vomoshikandjohoololo Onesi, moshitukulwa shaMusati ova lulilwa keendjaba edi da ninga efiku di li momikunda davo tadi dedaula omapya avo.

Meenghundafana a ninga naKundana kansela woshikandjohoololo shaNesi Festus Simon Petrus okwa hokolola ta ti eendjamba edi oda ninga omafiku dili moshikandjohoololo shaye komikunda ngaashi Akaonte, Oshikondeilonga nOnandjanja. Petrus okwa ti eendjamba edi odili etatu nodadidilikwa da kala moshikandjohoololo shaye oule woifike itatu paife.

“Ovanhu iha va kofa oufiku shaashi ova tila oku ponokelwa keendjamba oufiku, onghee oshiwana oshili moumbada weendjamba efiku nefiku,” Petrus ta ti.

Kansela okwa ti eendjammba edi oda ningila omapya ovanhu ominyonena ngaashi omapya ahapu momukunda Akaonte okwa dedaulwa keendjamba.

“Edalate dokomakove ovakwashiwana oda tewa po keendjamba, oikunomwa momapya oya tewa po nayo. Oshiwana ota shinynyeta efimbo alishe kombinga yeendjamba edi,” Petrus ta ti.

Okwa ti oshiwana ohashi ningi eenghendambala do kala tashi tataa eendjamba, a shike onghee ngaa eendjamba ta di twikile noku ha luka.

Petrus okwa ti ombelewa yaye oya shiviifila ovanambelewa vokouministeli womidingonoko nomatalele po kombinga yeendjamba edi dili teli yela moshikandjohoololo shaye.

“Mopaife ngaha ovanambelewa va dja kouministeli womidingonoko ove li va fika momikunda omu muna eendjamba edi, omo paife tava kwafele ovakalimo nghee eendjamba edi dina oku kala dashu nwifako oku da dja,” Petrus ta ti.  Kansela okwa ti ovanambelewa a va oha di nokuli momukunda Akaonte omo veli vahonga onanda opo va kale tava konakona oifitukuti ei ili mokati koshiwana.

Onghee okwa ti okwa pandula oministeli ei eshi ina oshisho noshiwana, nokukwashipaleka kutya oshiwana oshili meano. Petrus okwa kungulila oshiwana opo shi kale sha tonata noshili oupafi kombinga yoifitukuti ei. Yee taweda po ta ti oshiwana nashixulife po okukala tashi di keendingosho omaufiku unene tuu pefimbo eli loifitukuti ya didilikwa moshikandjohoololo shaye, oshili oshanyika oshiponga.


2021-06-15  Festus Hamalwa

Share on social media
Bottom of a page