New Era Newspaper

New Era Epaper
Icon Collap
...
Home / Oshikondo shaNDF shomewangadjo otashi ka kwafa mokulwifa oshipaxu

Oshikondo shaNDF shomewangadjo otashi ka kwafa mokulwifa oshipaxu

2020-10-13  Staff Reporter

Oshikondo shaNDF shomewangadjo otashi ka kwafa mokulwifa oshipaxu
Top of a Page

Oshikondo shetanga leameno laNamibia shomewangadjo (NAF) osha tameka noshinyangadalwa shoku shamina omiti doku dipaa oipuka, tashi ningwa oku dilila mombada nelalalakano loku kondjifa oshipaxu shitilyana osho sheli teela moitukulwa imwe moshilongo, unene moZambezi.

Oshinyangadalwa eshi osha tameka mOsoondaxa, okudiilila moshitukulwa shaZambezi. 
NAF otaka longela kumwe nouministeli wOunamapya noimuna, Omeva netukulo ledu oshikako fimbo shoule womwedi umwe opo va fye oshisho oku komba mo oshipaxu shitilyana shaAfrica osho hashi tembuka noku tauluka eengaba. Omunongononi mouministeli wounamapya Violet Simataa okwa koleka oshinima eshi ta ti NAF okwa tameka nale nokuli oku shamina oku dilila mewangadjo koshitukulwa shaItomba, ta ti omuniniteli waye wo owa waimina etanga lomewangadjo noku twinina oipuka oyo noshimuke  shi na omiti, ta u longifa ehauto lowina olo la longelwa oikwa noipangifo yoshimuke. Omiti doku dipaa omapuka doo oda shaminwa monhele ina ounene weeheka 10. 

Oipaxu oyo ihapu neenghono oyali ya monika tete meenhele ngaashi moItomba, Lusese, Nakabalelwa, Ngala, Mahundu, Machita, Masikili noKapani.
Ominista younamapya  Calle Schlettwein momafiku 24 a Sepeteba, momutumba wopashiwana, okwa ti onhele ifike peehekata 4 002 oili koshi yoshipaxu, vali eekta 500 moshitukulwa shaZambezi oda hanaunwa po nale  koshipaxu. Ta ti oituwa ili ili ihamano, omashina eli 14 oku fuda oshimuke a wedwa koituwa ikwao ine oyo ya longelwa muyo omashina neetenga doku twimina oya kongwa opo ika longifwe moku lwifa oshipaxu.

Schlettwein okwa li a yandja eyele pefimbo a li ta popi momutumba wopashiwana kutya oilongo yopoushiina oyo nayo ili moshikele shoshipaxu ngaashi Botswana naZambia otai longifa eshashamino lomiti okudilila mewangadjo. 
Omunafaalama umwe moshitukulwa, omunamido 84-year-old Greenwell Mayumbelo okwa ti eshashamino tali ningwa needila otali ka kwafa neenghono shaashi moshitukulwa omu na eenhele dihapu unene odo ihadi fikwa keetuwa molwaashi kaku na eepate. Kakele koshitukulwa shaZambezi, moshitukulwa shaShana, koshikandjohoololo Uuvudhiya nako okwa lopotwa oiponokela yoshipaxu osho shilo ko tashi nyonauna oushitwe neenghono.  -Nampa 


2020-10-13  Staff Reporter

Tags: Khomas
Share on social media
Bottom of a page