New Era Newspaper

MTC Shares
Icon Collap
...
Home / Oshilongo oshi li momhumbwe yohonde

Oshilongo oshi li momhumbwe yohonde

2021-08-05  Festus Hamalwa

Oshilongo oshi li momhumbwe yohonde
Top of a Page

Oipangelo moshilongo oya taalela omhumbwe yohonde molwaashi ovanhu ashike vanini veli longekida oku yandja ohonde, shaashi vahapu paife komandiki ova tila ko oCovid-19.

Omupopiliko wehangano linasha neehonde loNamibia Transfusions Service of Namibia (NamBTS) Titus Shivute okwa ti mopaife ehangano oli na ashike ohonde ya wana oku kwafa oule womafiku atano.

Shivute okwa yelifa ta ti eshi oshi li eshongo linene la taalelwa koshilongo shaashi ovanhu ovahapu va pumbwa ohonde, ashike kai po.

Ta ti ovanhu vamwe ova tila oCovid19, nashi nee osha eta omwaalu u kale washuna pedu omwolo ombuto ei. 

“Ohandi indile oshiwana opo shi twikile nokuyandja ohonde osheshi ohonde oya fimana kovanhu vetu a va veli momhumbwe yohonde. Onghee oku yandja ohonde oshinima sha fimana unene osheshi ota shi xupifa eemwenyo dovanhu veli momhumbwe,” Shivute ta ti.

Shivute ta kunghilile ta ti ohonde ei tai yandjwa koshiwana ohai kwafele pefimbo peenghalo dopaunamiti dayooloka, mwa kwatelwa omatando ile nopefimbo loku mona ounona.

“Ehangano letu lohonde ola kwashipaleka kutya keenhele adishe do kuyandjela ohonde okuna omilandu, noikwafifo ya wana yokukelela ombuto yoCovid19 onghee oshiwana indeni muli momwaalu munene opo mu ka yandje ohonde,” Shivute ta ti.

Shivute okwa ti ovanhu vokonooli ovo vamwe vadidilikwa tava ende nakashona oku yandja ohonde, onghee mopaife momwedi ou Anguste otava ka ninga omandiki ahapu konooli oku yandjela ohonde taa kala ta longo luvali moshivike Etivali nEtitano.

Okwa denga omufindo ta ti endiki eli lili mOndangwa ponhele yomangeshefelo yoGwashamba onghee ngaa tali twikile nokulonga Etivali keshe potundi 09h00, ashike otali ka tameka okukala tali longo luvali moshivike Etivali nEtitano paife.

Okwa ti onghee oshiwana inashi kala shina oumbada kombinga yoCovid19 shaashi eameno opo lili la wana efimbo keshe.

Shivute okwa ti omauyelele amwe elixwapo oha va handje keeradio dayooloka do moshilongo nokomapandja avo okomalungula.

“Oshiwana nashi twikile nokuyandja ohonde, oshiwana nashitopolafane omauyelele afimana ena sha ne fimano lo kuyandja ohonde opo eemwenyo do vanhu dixupifwe,” Shivute ta ti.

Okwa kunghulila oshiwana opo shi twikile noku liufa komilandu edi da tulwa po dokukelela ombuto. Taweda po ta ti omunhu keshe nakale a djala okalapi kaye kokomulungu efimbo kesh ngeenge tai komandiki oku yandja ohonde.


2021-08-05  Festus Hamalwa

Share on social media
Bottom of a page