New Era Newspaper

New Era Epaper
Icon Collap
...
Home / Oshinyama sha fikwa po

Oshinyama sha fikwa po

2021-02-16  Staff Reporter

Oshinyama sha fikwa po

Onyama yongombe kwa li ya nuninwa oosa, anuwa oya fikwa po kaanambelewa yuuministeli wuunamapya, sho ya adhika mohauto okuza komukunda Oneyanga moshitopolwa shaHangwena.
Oshinyama shoka anuwa okwa li shi na ongushu yi li pooN$10 000. Otaku hokololwa aakwanezimo yamwe ya li ya adhika noshinyama shoongombe mbali. 

Omupopiliko gwopolisi moshitopolwa shaHangwena Kaume Itumba okwa ti, oshiningwanima shoka okwa li sha holoka Olyomakaya, kuuzilo wOkongo.

Itumba ta ti ohauto ndjoka okwa li tayi henuka omayinda ga tulwa moopate kuuministeli wuunamapya, okutala iihauto ngele oya humbata oonyama mbyoka ya indikwa oku enda ethimbo ndika omolwomukithi gwekondo nelaka.
Itumba okwa ti, onyama ndjoka ya fikwa po okwa li ya nuninwa oosa dhi li kuuninginino wOshakati momukunda Othingo. Ethimbo Itumba a gandja ehokololo ndyoka, kapwa li uuyelele, ngele naku adhika nonyama okwa li a mangwa po nenge okwa li a futithwa konima sho oshinyama sha fikwa po.

Ta ti, oomboloka dha tulwa moondjila, kadhi shi dhopolisi , ihe odhaanambeelwa yuuministeli wuunamapya.
Itumba okwa kumakagidha oshigwana shi iyuthe koompango dha tulwa po okukeelela omukiithi ngoka, noku yanda omawupyakadhi goludhi ndoka.

Omukuluntu muuministeli wuunamapya moshitopolwa shaShana Kenneth Shoombe okwa ti, oshigwana osha kala tashi londodhwa kutya omayinyengo gwoonyama inaga pitikwa, omolwomukithi gwekondo nelaka.
“Kehe ngoka ta ka adhika natango nonyama nenge noshimuna, ota ka futithwa oshimaliwa shontumba nenge a ye mondjedhililo,” Shoombe ta ti ngaaka.

Ndohotola muuninsteli wuunamapya moshitopolwa shaHangwena Magano Kephas okwa ti, onyama oya fikwa po oshoka moshitopolwa shaHangwena omwa monika oshipotha shomukithi gwekondo nelaka. “Otu li metifa okukonaakona nokutotha mo omikunda  moka mwa iteyele omukithi ngoka, onkene itatu pitike iiningwanima ya tya ngaaka,” Kephas ta ti ngaaka. Sha ikolelela kepeko lyopolisi, otenta yaanembelwa yuuministeli wuunamapya oya yakwa po kaafuthi moshitopolwa shaMusati mondjila onene yi li po kati kOmakange nIiitananga.
Otaku hokolwa kutya omboloka ndjoka ohayi kala po ashike ethimbo lyomutenya, notaku fekelwa ya y kwa po ethimbo lyuusiku, omanga aanambelewa kaye po.
Otenda oya nyolwa “Omusati Regional Council”, yongushu N$15 000.


2021-02-16  Staff Reporter

Share on social media