New Era Newspaper

New Era Epaper
Icon Collap
...
Home / Oshipotha shaAmushelelo naNauyoma sha undulilwa komeho

Oshipotha shaAmushelelo naNauyoma sha undulilwa komeho

2022-07-06  Victoria Kaapanda

Oshipotha shaAmushelelo naNauyoma sha undulilwa komeho

Oshilyo shongundu yoNamibia Economic Freedom Fighters (NEFF) Micheal Amushelelo oshowo omuxwaxwameki gongundu yopapolitika Affirmative Repositioning (AR) Dimbulukeni Nauyoma oya kalekwa mondjendhililo natango. Oshipotha shawo osha undulilwa momasiku 28 gaJuli nuumvo.

Oshipotha shoka anuwa osha undulilwa komeho omolwomakonakono gopangelo inaaga pwa. Epangelo olya pewa ompito ndjoka ya hugunina yi kale ya mana omakonakono ngoka ya ipyakidhila nago. Amushelelo okwa kalelwa po kuhahende Nambili Mhata omanga Nauyoma a kalelwa po kuKadhila Amoomo. Aalumentu mboka okwa li ya ningi onkambandhala yoku ninga omayindilo gokwiimboloha mo, Ihe okwa li ye yi tindilwa

Amushelelo okwa li a mangwa po tango sho kwa li i ikuthile oveta momake ge oshiwike sha zi ko nokupopya kutya Aachiina naya pate oongeshefa dhawo  netompelo kutya iinima mbyoka yAanamibia ya fikwa po oya faathana owala naambyoka tayi landithwa moositola dhAachina, komatungo taga ithanwa China Town mOvenduka.

Esiku lyomunyanyo gwa li gwa ningwa sha landula epato lyoositola dhaAchiina, omupresidente gwehangano lyo-NEFF Epafrans Mukwiilongo oshowo omukulukadhi gwAmushelelo oyo kwa li yamwe yomwaamboka yaheyali ya mangwa nokwa li ya mangululwa esiku lya landula, sha ikwatelela komalandulathano noompango dha tulwa po. Etokolo lya kwali lya ningwa kuAmushelelo olya hwahwamekwa koshiningwanima sha ningwa kehangano Namibia Revenue Agency (Namra) ndyoka kwa li lya hanagula nokufika po iilandithomwa yAakwashigwana mbyoka ya kwatelwa koongamba dha yooloka.

Iinima mbyoka ya li ya hanagulwa po otaku hokololwa yongushu oomiliyona N$5. Ta ti, Iilandithomwa oyindji yomuyo ya za koChina, ohayi landwa kaakwashigwana unene mboka kaaye na iilonga, taye ya okuyi landitha moshilongo, ashike Namra okwe yi kwata po netompelo ndyoka kutya oya ningwa nomadhina gomahangano gaantu, kaashi li paveta. Amushelelo ota tamanekelwa oshipotha shoku hwahwameka evundakano moshigwana, omatamaneko gane gokuya moositola dhAachina pwaana epitikilo dhooyene yoositola. – vkaapanda@nepc.com.na


2022-07-06  Victoria Kaapanda

Share on social media