New Era Newspaper

New Era Epaper
Icon Collap
...
Home / Oshituthi shOmaludi sha ningwa oshikando oshitine kOkongo

Oshituthi shOmaludi sha ningwa oshikando oshitine kOkongo

2024-05-30  Victoria Immanuel

Oshituthi shOmaludi sha ningwa oshikando oshitine kOkongo

OKONGO- Omupevi presidente Netumbo Nandi-Ndaitwah okwa ti omuthigulwakalo ogo omulilo goshilongo.

Nandi-Ndaitwah ndhika okwedhi popi pethimbo e egulula pambelewa oshituthi shOmaludi shoka hashi ningwa omumvo kehe kelelo lyondoolopa Okongo moshitopolwa shaHangwena.

Nuumvo, oshituthi shika osha ningwa oshikando oshitine oku za nkene sha ningwa lwotango momumvo 2021.

“Oshasimana okukaleka po iituthi yili ngiika oshoka oshigwana shaana omuthigululwakalo kashishi oshilongo,” ta po pi ngaaka.

Omaludi oga gongaleke aanangeshefa, aalandi nookatalekonawa, oshowo aanafalama yiimuna noyuunamapya.

Nandi-Ndaitwah ta ti, kuunafaalama, Omaludi oshituthi osha simana koongeshefa oshoka otashi dhi hwahwameke, nota indile aanafalama naanangeshefa ya longathana nkene yena okuhuma komeho.

Nonando oshigwana sha mono ompito yokuulika iilandithomwa yawo oshowo uunongo wa wo, oshu ulike wo oongombe dhawo, ndhoka dhili oshitsa shopokati momaulikilo ngoka giipindi.

Omaludi mOshiwambo ogo oshidhano shokuulika oongombe ndhoka dha lya nawa tadhi monika nawa komalutu. Ongoombe ndhingi ohadhi sindana shoka dha nuninwa.

Minista gwomayambulepo goondoolopa nokuushayi Erastus Uutoni okwa kumagidha oshigwana shomoOkongo kutya nashi tsikile okufuta omayakulo gawo opo elelo lyi vule okuhuma komeho oshowo okutula elelo lyawo pamuthiga gondoolopa.

“Ngele tamu gwanitha po okufuta omayakulo geni, opo ashike iituthi yoludhi nganduka mbyoka hayi kokeke eliko momundhingoloko tayi vulu okulongekindhwa,” ta ti ngaaka.

Ngoloneya gwoshitopolwa shaHangwana Sabastian Ndeitunga okwa ti, omaludhi goongombe oga simana oshoka otaga gandja ompito kaanangeshefa yiimuna nokuxwaxwameka oongeshefa dhiimuna.

“Shika otashika nkondopaleka noku kokeka eliko lyoshimaliwa mOkongo oshowo moshitopolwa ashihe shaHangwena,” ta ti ngaaka.

Omaludi oshimwe shomomithugululwakalo onkene otaya tsikile okuga simaneke noku gakaleka po.

Ndeitunga okwa ti, oshilongo osha taalela ondjala , ihe ota indile iikulya yimwe ya gwedhwa po okuza koAngola kaashi shi ashike omahangu opo yi pitikwe okuya moshilongo kaapena omayindikilo ga sha.

“Ita tu longitha ompito omolwa ondjala ya taalela oshilongo ihe, ota tu indile ngiika okuhupitha oshigwana shetu,” ta po pi ngaaka.

Ta tsikile ta ti, moshituthi shOmaudi shoka oshina wo aanangeshefa yaza poshishinda longa Angola ye ya okuulika iilandithomwa yawo, omolwa onkalo yuumwayinathana nuukwawo wanankali.

Omuuliki goongombe Silas Mwanyangapo sho ayi moonkundathana noshifokundaneki shika  okwa ti, okwa kutha ompito mOmaludi oshoka okuna oongombe dhi shi okuulikwa, okuya po noku za po.

“Ondina okuthiga oyendji yaafuka nena, o ngaame omusindani nena inga wu galukilandje,” ta po pi ngaaka.

Omuyambindhindhi omunene gwOmaludi Ali Dharani esiku ndyoka okwa ti, ota tsikile okuyambindhindha oshigwana mpoka tashi pumbwa omayambindhindho gawo.

“Okukokeka ongeshefa ihaku koko koshimaliwa oshindji tashi ya po ihe ohaku koko kehe koshimaliwa nando oocenda,” ta kumagidha ngaaka.

Dharani okwa pandula ayehe ya longekidha oshituthi oshoka okuwete ehumokomeho mOkongo.

Omauliko ngaka gatameka momasiku 27 gomwendhi nguka otaga yi sigo omesiku 01 lyaJuni 2024.

vkaapanda@nepc.com.com


2024-05-30  Victoria Immanuel

Share on social media