New Era Newspaper

New Era Epaper
Icon Collap
...
Home / Oshiunda shoikombo sha kombwa po koluvadi

Oshiunda shoikombo sha kombwa po koluvadi

2022-11-21  Festus Hamalwa

Oshiunda shoikombo sha kombwa po koluvadi

Omukalimo womomukunda Okapya moshitukulwa shaShana okwa ti okwa fiwa pomutenya eshi a ka nifa oikombo yaye aishe 20 oyo vati ya fya eshi ya kwatwa kokashelu.

Oshiningwanima eshi osha ningwa efimbo lokomatango lwopotundi 17h00 Etine.

Kornelius Tobias kwa ti ka shipu okukanifa omwaalu muhapu woufita woimuna shaashi oikombo yaye ohai mu e tele oyuuyemo noshoyo okulya ombelela meumbo novaneumbo vaye.

Eshi a ninga eenghundafana naKundana Etitano Tobias okwa ti okwa li e na oikombo 22 ashike paife okwa shaala po noikombo ivali konima eshi oikombo imwe ya fya.

“Onda dengwa pomutima neenghono shaashi oikombo yange ondei konga noudjuu eshi nda kala handi ongele okamaliwa oko handi mono mokutunga omatungo,” ta hokolola.

Onghee okwa ti paife otaa ka longa noudjuu okukala a mona oshimaliwa shokulandulula oikombo shaashi iha mono alushe eemhito doilonga yokutunga.

Okwa yelifa ta ti okwa hangika ashike opo a lande natango oikombo itano omwedi wa djako ndele paife nayo oya fya.

 “Paife oufita woikombo yange owa shuna pedu nomwaalu muhapu. Oikombo imwe ei ya fya okwa li i fimba,” ta hokolola.

Tobias okwa ti oikombo oye li tuwa ko shi yomuti kounona eshi kwa li va ka kongelela oikombo vaka indilile.

“Ombelela ina tui lya shaashi otwa tila okulya ombelela yoshimuna sha kwatwa kokashelu,” ta ti.

Okwa weda po ta ti oku na omukomo woku tamekulula ko noufita woikombo shaashi okwa fiwa po noikombo yoididi oyo tai dulu okudala.

- fhamalwa@nepc.com.ma


2022-11-21  Festus Hamalwa

Share on social media