OMUTHIYA – Elelo lyoshitopolwa shaShikoto olya ti kutya kape na oombashu tadhi ka ethelwa dhi tungwe pOshivelo.Omukuluntuwiliki gwelelo lyaShikoto Frans Enkali okwa ti oshiholelwa oshiwananwa osshoka gumwe gwomaakuluntu yomelelo a li a hala okuninga ohofa niipeleka ashike okwa li a keelelwa mbala.

“Kape na okakombo noludhi mpaka. Itatu ka etha nande ombashu yimwe yi tungwe mOshivelo. Ngaashi twa li twa mono koondoolopa dhimwe, iitungitho mbyoka ohayi yaka omindilo mbala, ohamu ningwa omaponokelo nomadhipago,” osho a li a ti ngaaka sho ta yamukula omukandanyenyeto gwaakalimo. Momukandanyenyeto, aakalimo ya li taya nyenyeta sho itaaya pitikwa okutunga oomabshu, omeya haga piti nondilo, ompumbwe yevi, okufutwa osho wo okakombo noluudhi ngele tashi ya kokukutwa miilonga. Kwaambika, Enkali okwa ti kutya itaya vulu okugandja omayamukulo goshili, oshoka omukandanyenyeto anuwa ogwa li gun a iinima oyindji yaa li mondjila. Onkene okwa li a lombwele mboka ye na omanyenyeto ya thike pombelewa ye.