New Era Newspaper

New Era Epaper
Icon Collap
...
Home / Osikola Ambrosius Amutenya ya yambidhidhwa nomakende goongulu

Osikola Ambrosius Amutenya ya yambidhidhwa nomakende goongulu

2022-07-06  Victoria Kaapanda

Osikola Ambrosius Amutenya ya yambidhidhwa nomakende goongulu
Top of a Page

Osikola Ambrosius Amutenya moshitopolwa shaMusati oya yambindhindhwa nomakende goongulu kalasa ge li 66 kehangano Wan-Meil.

Osikola ndyoka ya li methano ta li shololitha, lyatya oongulu dhina omakende ga tatulwa mo, ota li tulwa omakende omape, sho ya yambindhindhwa kehangano ndyoka lyaaChina.

Oshilyo shelelonongelo lyosikola Rakel Shoopala okwa ti, ndika ethano ta li ulike nkene aAchina yena ohokwe oshowo oshimpwiyu naNamibia.

“Ota tu pandula  ehangano ndyoka sho lyetu yambindhindha nomakende agehe ngoka opo oongulu dhosikola yetu dhi kale monkalo tayi hokitha,” ta pandula ngaaka.

Ta gwedha po ta ti, uuna osikola yi li methano ta li hokitha ohashi yambindhindha wo, keyilongo lyaanona.

“Oongulu dho sikola ohandhi ningilwa omiyonena kaanamukunda, mboka haye shi ningi ethimbo posikola kaapena aantu. Iilonga mbyoka oya kala hayi longwa okuza nale,” ta fatulula ngaaka.

Shoopala ta ti, uundjugo wosikola nawo owu li monkalo ombwiinayi, ngaashingeyi ihau longithwa omolwa onkalo wuli mu yo.

‘’Omiyelo dhuundjugo kadhipo, ihe otaku fekelwa dha yakwa ko kwaamboka natango ya kala noku longela omatungo gosikola iilonga iiwinayi,” ta popi ngaaka.

Ta popi kutya osikola ndyoka oyina oondondo okuza pu yimwe sigo ontimugoyi, ihe natango oya mono omayindilo gaalongwa ya hala okuhita posikola mpoka ihe oongulu dho sikola itadhi shi pitike.

“Otuna ehalo okutaamba aalongwa natango posikola mpaka, ihe shoka otashi ningwa uuna twa gwedhako oongulu, opo aalongwa ya mone omahala,” ta ti gaaka.

Shoopala okwa indile moshigwana shi yambindhindhe osikola yawo naashoka shi li po, opo ya vule okutsikila ko oongulu ndhimwe.

Ta ti, oyena omusholondondo gwaamboka ya yambindhindha nashooka yena po. – vkaapanda@nepc.com.na  


2022-07-06  Victoria Kaapanda

Share on social media
Bottom of a page