Opolisi moshitopolwa shaShana oyi li molukongo lwaafuthi ya iteyele mositola yoondjembo niikutu yedhina Emvula mOngwediva.
Sha ikolela komugandji gwomauyelele moshitopolwa shaShana Frieda Shikole okwa oshiningwanima shoka osha holoka pokati kEtiyali nEtitatu. Otaku hokololwa kutya aafuthi mboka kaaye shiwike oya fadhukapo nondjembo oshowo iinima yilwe. Shikole okwa ti oondjembo dhi li 13, okompiyuta yopeke, iikutu oshowo eshina lyokudhana oya yi wa nayo ontuku kaafuthi.
Ta ti iinima ayihe kumwe oyina ongushu yoshimaliwa N$400 000.
Otaku hokololwa kutya aafuthi mboka okwa li ya teya po omwelo gwakola moka kwa li mwa pungulwa iinima mbyoka.
Shikole ota ti, aafuthi ohaya ka longitha oondjembo okukalonga iimbuluma.
Opolisi otayi indile moshigwana shi lopotele opolisi yi li popepi uuna sha tsakaneke aantu ye na oondjembo kaadhina oombapila.