New Era Newspaper

New Era Epaper
Icon Collap
...
Home / Oudano wokombada yomeva wa tameka moLuderitz

Oudano wokombada yomeva wa tameka moLuderitz

2018-11-09  Tuulikki Abraham

Oudano wokombada yomeva wa tameka moLuderitz

Lüderitz- Oudano oo hau danaukwa kombada yomeva, nohau nane oilongo mounyuni oko haku di ovadani opo ve uye va dane oudano ou moNamibia modoolopa yokomunghulofuta yaLüderitz noneudo oko u li. Oudano wa shiivika nedina Lüeritz Speed Challenge owa hovelelwe okudanenwa modoolopa yokomunghulofuta Lüderitz oule weedula omulongo da ka pita. Odula yoneudo owa hovelele mo 22 Kotomba 2018 nokwa teelelwa uka manifwe momafiku 25 Novemba 2018.
Oudano ou owa hovelwa okudanwa modoolopa yaLüderitz modula 2007, sha etifwa kouyamba woukwatya womhepo oyo hai fundula modoolopa yaLüderitz, novaholi voudano wokombada yomeva ova mona kutya modoolopa omo tuu omo otamu wapalele oudano oo. Noudano ou ohau danwa alushe pefimbo ngaali.

Odula 2016, oudano ou inaudanwa omolwa ovaunganeki inava dula okuunganeka oudano woludi eli, ashike odula ya ya oudano oko wali, noneudo ngaha ou li metifa. Ovadani otava dana efiku nefiku, she likolelela koukwatya wonghalo yomhepo. Onghene ohava kala  tava tale momalungula nokulesha oukwatya wonghalo yomhepo kutya otai fundula naini, opo omhepo i dule okuundula omakufikufi voo va dule okuhanga omafindano.

Oiwana i li 12 lwaapo oi li ye lipyakidila nokudana oudano wokombada yomeva moLuderitz. Ovanhu ova dja koilongo ngaashi Australia, Belgium, Czech Republic, France, Germany, Holland, Ireland, Italy, South Africa, Switzerland, Sweden noUnited Kingdom. 

Umwepo womovaunganeki voudano ou Bruno DE Comarmond okwa tumbula kutya fiyo opapa oudano otawe ende nawa, novakufimbinga ove li tava tyapula omafindano avo. Okwa tumbula kutya, oudano otau dulu okutalika pakulandula oikundaneki yopanghalafano oshoyo ko-www.luderitz-speed.com


2018-11-09  Tuulikki Abraham

Tags: Khomas
Share on social media