Oumatyona vatatu veli pokati komido 13 fiyo 16 ova holoka momhangulilo yamangestalata waNdangwa mEtine, tava tamanekelwa oshikulumuna shekwatonghonga lomukainhu womido 20.
Otaku hokololwa omukainhu ou e na oulema wopamadilaadilo a kwatwa onghonga koumatyona, kamwe okena omido 13, kamwe 14 nakwakwao 16 exuliloshivike ladja ko, komukunda Okanenge moshitukulwa shaShikoto.
Omupopiliko wopolifi moshitukulwa shaShikoto Inspector Ellen Nehale okwa hokolola ta ti naku ninga oshihakanwa okwa hangika ta tyava mekove lambulavo koumatyona efimbo lokomatango.
Omatyona vati ove mu nukila noku mu longela oilonga youshada.
Opolifi oya ti oumatyona na naku ninga oshihakanwa ohava di pomaushiinda, voo ova kala ve shivafane shito.
Ehi va holoka momhangulilo, oumatyona axa ova efiwa opo vaye komaumbo shaashi eedula davo ina fika okukala modolongo.
Opolifi oya hokolola tai ounona ove li komaumbo paife mefiloshisho lovakulunhu vavo ashike omakonakono oshibofa shavo otaa twikile natango.
Opolifi oya kunghilila ovadali opo va kale tava popi nounona vavo opo veli kaleke kokule nokulongele ovakainhu oushada wopamilele shaashi osha nyika oshiponga neenghono.