New Era Newspaper

New Era Epaper
Icon Collap
...
Home / Ouministeli woikwameni wa xulifa po okuyandja oumutwe woshilongo

Ouministeli woikwameni wa xulifa po okuyandja oumutwe woshilongo

2021-06-21  Festus Hamalwa

Ouministeli woikwameni wa xulifa po okuyandja oumutwe woshilongo
Top of a Page

Ouministeli woikwameni, etonatelo lokeengamba neameno owa xulifa po okuyandja oumutwe manga molwomukifi ou woCovid-19 u li tau dana onghandangala moshilongo.

Edi oda popiwa komupopiliko woministeli woikwameni Margaret Kalo ta hokolola kutya eembelewa adishe moshilongo doikwameni itadi ka yandja vali oumutwe moshilonga manga, okudja momafiku 16 June fiyo 02 Juli opo ku keelelwa etandavelo lombuto ei.

Kalo okwa ti omukifi ou owa nyika oshiponga neenghono, nomafyo otaa ende a uka pombada efiku nefiku.

“Ngeenge omunhu ta ka ningifa okamutwe kaye koshilongo, ohashi pula omunambelewa opo a kale a ya naye mekwatafano uuna ngeenge ta yandje ominwe daye dokeenyala di tulwe ohinga inya hai kala i li pokamutwe komunhu. Onghee oministeli oya mona kutya eshi otashi taandavelifa ombuto mokati kovanhu noupu,” Kalo ta ti.

Kalo okwa yelifa ta ti omayakulo ngaashi eedjapo domadalo needjapo domafyo otaa twikile nokuyandjwa keembelewa adishe moshilongo edi da patuluka.

Onghee Kalo okwa kunghulila oshiwana opo ngeenge tashi ka konga omayakulo keembelewa davo opo shi liufe komilandu edi da tulwa po doCovid-19.


2021-06-21  Festus Hamalwa

Share on social media
Bottom of a page