New Era Newspaper

Icon Collap
...
Home / Ouministeli woukashikekookanhu  wa yandja oilongifo kovakalimo mOshana

Ouministeli woukashikekookanhu  wa yandja oilongifo kovakalimo mOshana

2021-05-07  Festus Hamalwa

Ouministeli woukashikekookanhu  wa yandja oilongifo kovakalimo mOshana
Top of a Page

Festus Hamalwa

Ovakalimo vomoshikulwa shaShana ova pewa oilongifo kouministeli woukashiikekookanhu opo va kondjife oluhepo nondjala moshilongo.

Omupeduminista mouministeli woukashikekookanhu Bernadette Maria Jagger okwa pandula unene ovakalimo ava eshi ve liunganeka moungudu vokutaataya po oluhepo nondjala moshilongo. Jagger okwa ti ovanhu ava va mona ouwa woilongifo komimisteli nava twikile nokulonga noudinini va dule okukondjfa ondjala moshilongo.

“Epangelo otali longo noudiinini opo li lwife ondjala noluhepo moshilongo, onghee ava mwa mona oilongifo ei onye ovanelao. Ka longeni nelitulemo, oilongifo ei nayi longifwe pamukalo muwa,” Jagger ta ti.

Oilongifo ei ya pewa ovanhu vomushitukulwa shaShana oi li pongushu yoshimaliwa N$150 000. 

Omupeduminista okwa kunghilila ovanhu ava va mona ouwa okupitila moshikefa shokulwifa oluhepo nondjala moministeli yavo opo va longife oshimaliwa eshi nawa, ta va ka mona meengeshefa davo , va kale tava lande oikulya yomomaumbo ndele haku landa tuu nande omalodu. Okwa yelifa kutya epangelo otali twikile okukwafela oshiwana shaashi oli na oshisho noshiwana shalo. Ekwafo otali ka pewa oitukulwa aishe moshilongo opo i dule okulwifa oluhepo nondjala. “Ohandi tu omukumo ava kwa li mwa udifa opo mu mone ouwa ou wa monika kuvakweni opo mu twikile nokukala tamu udifa, onghee inamu teka omukumo nande,” Jagger ta ti. Okwa ti Ovanamibia nava xulife po onghalo yokulidipayafana shaashi otashi yandje efano lii kounona. “Ovakainhu novalumenhu xulifei po onghalo yokuningila ounona omahepeko momaumbo. Ovalumenhu nanye inamu denga vali ovakulukadi veni tuu nande,” Jagger ta ti.

Moshipopiwa shaye mayola wodoolopa yaNgwediva Taarah Shalyefa okwa pandula ava va mona ouwa ou va pewa kouministeli woukashikekookanhu. 

Shalyefa okwa ti epangelo ola kufa onghatu iwa eshi la tota po oshikefa eshi shokukondjifa ondjala noluhepo moshilongo. “Oilongifo ei otai ka kwafela oshiwana momidingonoko detu, onghee natu ke i longifeni nawa nelalakano opo tu lwife ondjala noluhepo.


2021-05-07  Festus Hamalwa

Share on social media
Bottom of a page