New Era Newspaper

New Era Epaper
Icon Collap
...
Home / Ovafekelwa moumbudi wotuwa va kandoma nokuxulifa

Ovafekelwa moumbudi wotuwa va kandoma nokuxulifa

2022-10-04  Festus Hamalwa

Ovafekelwa moumbudi wotuwa va kandoma nokuxulifa

Ovamelunhu vavali vomovafekelwa vatatu tava fekelwa momunyeka wotuwa ova xulifa konima eshi umwe womuvo ou ali ta shingi a nyengwa okupangela oshiendifo ndele tashi alangata. 

Umwe womovafekelwa oo a xupa moshiponga vati okwe ke livaka moshipangelo ndele ta faduka po.

Oshiningwanima eshi osha ningwa Olomakaya mokati koufiku lwopotundi 02h00 momukunda Okapya pokati kOngwadiva nOndangwa. Otaku hokololwa kutya omulumenhu umwe okwa xulifila poshiponga opo omanga umwe a ka xulifila Osoondaxa efimbo lomutenya moshipangelo shaNandjokwe. 

Oonakufya inava tongolwa kutya ove oolyelye shaashi ovakwapata wavo ina shivifilwa kombinga yomafyo avo.

Omupopiliko wopolifi moshitukulwa shaShana Inspector Thomas Aiyambo okwa hokolola ta ti ovafekelwa ova ponokela mwene wotuma Etitano efimbo longuloshi lwopotundi 23h00 mOngwediva poshitaashi shomaholi oNamcor.

Vati ovafekelwa ova lefa otuwa yomufekelwa tava ti kutya ova uka koshitaashi shomaholi shoSelect.

Vati okudja opo ovafekelwa ova ningila mwene wotuwa omatilifo ve kwete eembele tava ti kutya itave mu dipaa ngeenge ina hala okuyandja otuwa nodjato yaye yoimaliwa.

Opolifi oya hokolola tai ti okudja opo ovafekelwa ove shipondola okunyeka ko otuwa nondjato yoimaliwa ndele tava faduka po notuwa va uka kombinga yOmatando.

Opolifi oya hokolola tai ti nakuninga oshihakanwa vati ina monifwa oshiponga.

Opolifi oya ti omufekelwa omutitatu okwe li vaka moshpongelo nokufaduka po onghee opolifi otai indile moshiwana kwau e na ouyelele kombinga yomufekelwa ou opo shi kale sha lopotela opolifi diva.

Nakuninga oshihakanwa vati oku li omushingi wotuwa ei ya nekwa ko onga hafelefula mopate.

Otuwa oya mona oshiponga onghee omakonakono opolifi otaa twikile.

fhamalwa@nepc.com.na


2022-10-04  Festus Hamalwa

Share on social media