Festus Hamalwa

Omukainhu weedula 18 okwa kwatwa onghonga keumbo lavo mexuliloshivike kolukanda ledina Donkerhoek modoolopa yaMariental, moshitukulwa shaHardap. Oshiningwanima osha ningwa efimbo lotundi 10h00 yongula. 

Opolifi moshitukulwa shaHardap oya hokolola kutya nakulongelwa oushada okwa li a ya keumbo lomutamanekwa, omulumenhu e na 26 eshi kwa li a ka konga ekwafo opo a pewa okapatululifo koradio yomudidimbe, hano o-TV. Eshi nee omukainhu a ya meumbo lolumenhu oo okwe mu mbulukutila noku mu kwata keenghono. 

Omukainhu okwa li atwalwa koshipangeklo opo aka ningilwe omakonaakono opounamiti keendokotola shi na sha nekwatonghonga, noidjemo oye ke ya tayi ti kutya omukainhu okwa kwatwa shili keenghono.

Omutamanekwa okwa kwatwa po noku li modolongo yaMariental. Okwa teelelika opo a kale a holoka momangu yamangestalata moMariental oshivike eshi.

Opolifi moshitukulwa shaHardap oya lopotelwa yoo vali oshiningwanima natango shekwatonghonga osho omukainhu weedula 30 a ningilwa oilonga youshada meumbo laye, molukanda Andrewville li li modolopa yaMaltahohe. Otaku ku tongwa omulumenhu weedula inadi shivika eya meumbo laye a pitila mekende londuda, ndele temu ningile omunyonena wopaixulo.  

Opolifi oya ti omukainhu ou a nina oshihakanwa okwa li eli meumbo laye eli mo oye aike. Konima yoku longa oshimbuluma eshi, omutamanekwa okwa faduka po. Omufekelwa ke shiivike no ina kwatwa po fiyo paife, nomakonakono opolifi otaa twikile.