Kansela woshikandjohoololo  shaNdangwa yokominda Kaushiweni Abraham okwa ti ovakalimo vopomudingonoko waMagongati otava mono oixuna komakwatafano aa MTC konima eshi etenda laMTC la wapo Etine efimbo lokonguloshi pomukunda Omagongati  moshitukulwa shaShana.

Kansela okwa ti eshi oshili eshongo linene kovakalimo vopomikunda dopOmagongati shaashi paife ihava dulu vali okulongifa eengodi davo do peke ngaashi okudenga ile okutumna omatulwalaka keengodi.

Okwa ti oshiwana osha tameka okuya kombelewa yaye tashi nyenyeta kombinga youpyakadi womakwatafano aa MTC eshi sha hala ombelewa yakansela opo ikale ya ninga eenghendambala dokandula po omukundu ou.

Okwa ti ovanhu vamwe ohava ningi eenghendambala dokulonda komiti tava kongo omakwatafano ashike ihava mono ekwafo la sha. “Etenda eli lomakwatafano laMTC ola kala hali kwafele unene omikunda dihapu dadingilila Omagongati shaashi ovakalimo aveshe ova kala hava longifa etenda ngeenge tava ningi omakwatafano opaeengodi,” Abraham ta ti. Okwa hokolola ta ti oshiwana paife itashi dulu vali okulopota oiponga yosheendelela pefimbo shaashi kapena sha omakwatafano vali. “Ombelewa yange oya shiivifila ehangano lokuyandjaneka omakwatafano momhepo loMTC kombinga yetenda eli, ashike ovanambelewa va dja koMTC okwa li veu ya ponhele a pa pena etenda la wa po eshi kwali tava ningi omapekapeko,” Abraham ta ti. Kansela okwa ti etenda  ina li monifa omunhu oshiponga ashike ola teya po odalate ei kwali ili popepi netenda eshi la wila kodalate. Abraham okwa kunghulila oshiwana shopomudingonoko shi ha kwate etenda eli shaashi olina eengodi dolusheno edi tadi dulu oku eta oshiponga. Omupopiliko waMTC John Ekango okwa ti ombelewa yaye oya koleka kombinga yetenda eli kutya oshili ola wa po komhepo nodula ei ya liko Etine kongeloshi. Ekongo kwa ti ovanambelewa voMTC eshi vali konhele oku kuna etenda ova tameka okuninga omapekapeko nghee vena okukala vakandula po omukundu womakwatafano.  fhamalwa@nepc.com.na