New Era Newspaper

New Era Epaper
Icon Collap
...
Home / Ovanafikola ova pumbwa okutunilwa oCovid-19 - Jonas

Ovanafikola ova pumbwa okutunilwa oCovid-19 - Jonas

2022-01-17  Festus Hamalwa

Ovanafikola ova pumbwa okutunilwa oCovid-19 - Jonas
Top of a Page

Omukulunhuwiliki wouhaku moshitukulwa Erongo Anna Jonas okwa ti ovanafikola veedula 12-17 ova pumbwa okukala va ka tunhilwa ombuto yoCovid-19 shaashi okwa didilikwa ovanafikola vahapu va ninga oihakanwa yokukwatwa kombuto.

Jonas okwa kunghulila ovadali opo va twale ounona vavo ava ve na eedula wa daufwa okutunhilwa opo va ka tunhilwe diva shaashi osha fimana ngeenge omunhu a tunhilwa.

Okwa ti ovadali nava kale ve na eudeko la wana kombinga yefimano lovenda yoCovid-19 opo va kwashipaleke kutya ounona vavo va mona omhito yokukatunhilwa.

Okwa ti moshitukulwa Erongo namo omwa didilikwa ovanafikola va kwatwa kombuto yoCovid-19, ashike ava va kwatwa vahapu ina va tunhilwa.

Edi oda popiwa kuJonas eshi a ninga eenghundafana naKundana Etitano eshi a hokolola ta ti osha fimana ngeenge omunhu a tunhilwa shaashi oha kala e na omhito ihapu yokukala eli amena kombuto. 

“Ngeenge ovanafikola ova tunhilwa eshi otashi shunifa etandavelo lombuto pedu meefikola,” Jonas ta ti.

Okwa ti omukifi ou owa nyika oshiponga neenghono onghee osha fimana ngeenge ovanafikola otava holoka momwaalu muhapu va ka tunhilwe.

Jonas okwa ta ti ouniminsteli wouhaku otau ka ninga oshikonga sha nuninwa ovanafikola kombinga yefimano letunhilo lombuto loCovid-19 opo ovanafikola va pewa ouyelele wo mondjila.

Okwa ti ovanafikola ashike 203 va tunhilwa ombuto okudja peedula 12-17 moshitukulwa Erongo onghee okwa ti ina hafifwa komwaalu uli pedu wovanafikola va tunhilwa.

Okwa weda po ta ti oshikonga shetunhilo loCovid-19 osha enda nawa omudo wad ja ko eshi omwaalu wovanhu 35859 va tunhilwa oCovid-19.

Okwa kunghulila ovanafikola opo veli ufe komilandu doCovid-19 efimbo ngeenge veli kofikola.

fhamalwa@nepc.com.na


2022-01-17  Festus Hamalwa

Share on social media
Bottom of a page