New Era Newspaper

New Era Epaper
Icon Collap
...
Home / Ovanailonga vouhaku itava yakula nawa ovanaudu nava lopotwe - Nangombe

Ovanailonga vouhaku itava yakula nawa ovanaudu nava lopotwe - Nangombe

2022-03-25  Festus Hamalwa

Ovanailonga vouhaku itava yakula nawa ovanaudu nava lopotwe - Nangombe

Omukulunhuwiliki wouministeli wouhaku Ben Nangombe okwa ti oshiwana nashi kale tashi lopotele ovakulunhu voipangelo, neembelewa dakula dopashitukulwa douhauku ngeenge tava ngwadjaulwa ile inava mona ekwafo kovayakuli moipangelo.

Nangombe okwa ti omunhu keshe okwa manguluka okukala a lopota ngeenge ina pewa eyakulo e li panda koipangelo ile komandiki ouhaku.

Nangombe ta ti oshiwana nashi kale tashi kufa ko omadina ovanailonga vouhaku opo ngeenge tashi ka lopota shi dule okupopya ovanhu komadina.

“Ngeenge omunhu okwa popiwa kedina eshi otashi kala shipu, fye tu dule okukala twa landula omunailonga oo,” Nangombe ta ti.

Okwa ti eendokotola novapangi nava kale alushe ve na omadina avo komudjalo woilonga efimbo keshe opo ovanaudu va dule okukufa ko omadina avo.

Nangombe okwa kunghilila ovapangi neendokotola opo va kale tava yandje eyakulo liwa kovanaudu nokukala tava longele kumwe.

“Ngeenge ovanaudu otava yakulwa nai eshi otashi yandje efano liwa moshiwana eshi ovanaudu vahapu tava kala ashike tava nyenyeta kombinga yomayakulo ai koipangelo,” Nangombe ta ti.

Okwa weda po ta ti ovanaudu navo nava kale tave lihumbata nawa ngeenge ve li koipangelo opo va kaleke po ekwatafano liwa novanailonga vouhaku.

fhamalwa@nepc.com.na


2022-03-25  Festus Hamalwa

Share on social media