New Era Newspaper

New Era Epaper
Icon Collap
...
Home / Ovanyasha ova pumbwa elongo kombinga yomahepeko –Antindi

Ovanyasha ova pumbwa elongo kombinga yomahepeko –Antindi

2021-05-27  Festus Hamalwa

Ovanyasha ova pumbwa elongo kombinga yomahepeko –Antindi

Omunashipundi wovanyasha moshitukulwa shaShikoto Martin-Olembe Antindi ota ti ovanyasha ovapumbwa okukala tava ningilwa oikonga ihapu inasha nomahepeko oukashikekookanhu moshilongo ashishe.

Meenghundafana a ninga naKundana Antindi okwa hokolola ta ti ovanyasha vahapu ove na eudeko nounongo ushona kombinga yomahepeko oukashike-kookanhu.

Eshi kwali omafiku eli 12 May 2021 ovanyasha ovadimbuluka efku lavo moNamibia omo kwali lili koshi yoshipalanyole exulife po lomahepeko oukashike-kookanhu moshilonga.

Antindi okwa ti okwali atalela po oikandjohololo aishe moshitukulwa shaShikoto omo kwali ashike novanyasha vayooloka opo vakundafane kombinga yomahekeko oukashike-kookanhu.

“Pefimbo nda shakena novanyasha moshitukulwa shaShikoto ovanyasha vahapu otava ti ovapumbwa ehongo nghee vena okukala vena okumona eudeko nounongo kombimnga yomahepeko oukashike-kookanhu mokati kavo,” Antindi ta ti. Antindi okwa ti ovanyasha vahapu ova popya kutya ohava kala veli meshongo lakula shaashi keva owino kombinga yomahepeko oukashike-kookanhu omu mwakwatelwa omahepeko ounona nomeme.

“Ohandi indile ouministeli woukashike-kookanhu nonghalo nawa younona opo ikale tau yandje ehongo lili kombinga yomahepekafano omo maumbo, unene tuu ovanyasha a va veli komikunda shaashi ovo vamwe veli meshongo eli,” Antindi ta ti.

Antindi okwa ti ovanyasha nava kale tava longele kumwe opo vakondjife oluhepo nondjala moshilongo.

“Ovanyasha vakwetu natuxulife po onghalo yokulonga oilonga youshada, fye natukale atu pula omayele ngeenge tweli hanga tuli moupyakadi wopamadiladilo,” Antindi ta ti.


2021-05-27  Festus Hamalwa

Share on social media