Omupopiliko wopolifi moshitukulwa shaShikoto Inspector Ellen Nehale okwa ti opolifi oya didilikwa einda lopolifi lopOshivelo haku kwatwa ovanhu vahapu ve na omalodu ouWhiskey vomounailona meetuwa davo.
Nehale ope na ovanhu vahapu tava kwatwa ve na omaludo oWhiskey yomounailonga, have kala va holekwa meendjato doikutu omanga vamwe ove hole okutula meeshako pokati makumbafa.
Okwa hokolola ta ti ovashingi veebesa ovo unene hava kwatwa nouWhiskey hava hangika ve li koutemba.
“Ovashingi veebesa ove hole okutwalela eendjato neeshako dovakwashiwana ashike ihava kala ve shi kutya meendjato omo omu na shike. Onghee vahapu ohava keli hanga ashike eshi va kwatwa po shaashi va hangika ve na ouWhiskey,” Nehale ta ti.
Nehale okwa ti oshiwana shokonooli oshi hole oku kalanda ouWhiskey kOshikango kondado yopedu ndele tava ka landifa koushimba kondado yopombada.
Onghee naashi osha heta opo oovene vendingosho koushimba va kale ve na ohokwe yokufa ouWhikey kOshikango shaashi vati ohava landwa nawa moushimba.
“Ngeenge omushingi wobesa okwa hangi e na ouWhiskey, oye ta kwatwa po kopolifi shaashi oinima oya hangika motuwa yaye ei ta shingi,” Nehale ta ti.
Onghee okwa kunghilila ovashingi veelefa opo va kale va kotoka ngeenge tava pewa oinima va twalele koushimba shaashi meendjato oha mu kala oinima ya nyika oshiponga.
Nehale kwa weda po ta ti ovanhu vamwe ohava kwatwa yoo vali ve na omaludi omakaya a holekwa mekofa.
Etitatu lomafiku 20 omwedi ou opolifi peinda lopolifi pOshivelo opa kwatwa ovafekelwa vavali vahangika ve na oupateke vouWhiskey 87 ve li pongushu yoshimaliwa N$8700 noupateke vomakaya 944.