New Era Newspaper

New Era Epaper
Icon Collap
...
Home / Oyendji mOshana ya tuntilwa

Oyendji mOshana ya tuntilwa

2021-07-22  Victoria Kaapanda

Oyendji mOshana ya tuntilwa
Top of a Page

Omukuluntu gwoshikondo shuuhaku moshitopolwa ShaShana Johanna Haimene okwa ti, okuza Omaandaha sigo onena aantu oye ya mehwata enene ya hala okuntilwa.

“Nonando itandi vulu okugandja omwaalu aguhe kumwe pethimbo ndika, oshoka opo tandi ka ninga omapekapeko, otwa lopotelwa kutya  omiti dhoku tuntila koosenda hadhi pu po omanga ethimbo lyoku zimbuka inaali adha, oshoka aantu oyendji,” ta popi ngaaka.

Ta ti, Omaandaha oosenda dhimwe mOshana odhali dha faalelwa omiti iikando iyali oshoka okwali dha pu po mbala.

Haimene ta pandula ta ti, ndyoka ethano ewaanawa oshoka otashi ulike kutya, oshigwana oshi uvite ko uuwanawa nesimano lyoku tuntila.

Moshitopolwa ShaShana oosenda dhoku tuntila, oku shonopaleka ompito yoku kwatwa komukithi gwoCOvid-19, odhili moshipangelo oshinene shaShakati, Ongwediva Medipark, Eluwa, Oluno oshowo Oshipangelo sho pawumwene shaNdangwa.

“Kuupangelo wumwe uushona inaku tumwa omiti, oshoka omwaalu gwaantu komikunda dhimwe omishona, onkene ohaku longekidhilwa esiku taku katuntilwa aantu,”ta popi ngaaka.

Ta gwedha po ta ti, oosenda odhudha aantu ayehe taya tuntilwa oshikando sho tango no shitiyali.

Haimene ta ti, tango aantu ka kwali ye na euveko lyagwana, kutya omiti dhoka odha simana, nuunene kaantu mboka ye na aakwiita yolutu kaaye na oonkondo okulwitha omikithi tadhi ponokele omalutu.

Oosenda ohadhi patuluka okuza po hetatu yongula sigo ontano yoko matango.

Ta kumagidha mboka taya tsikile okutaandeleka omauyelele giifundja kombinga yomuti dhoka, yeshi  hulithe po.

“Ngame okwali gwotango gwomwaamboka yali ya tuntilwa tango sho omiti kwali dha thiki moshilongo, ihe sigo oompaka inandi tsakaneka upyakadhi washa,” ta popi ngaaka.

Ta ti, oshigwana nashi uve ko nawa kutya okuntuntilwa ihaku futilwa, nokiipangelo yopawumwene.

“Otandi kumagidha oshigwana ashihe koonono, opo shi thike poosenda mpoka pena otuntila, shi kale shili megameno lyoku kwatwa komukithi ngoka,” ta kumagidha.

Haimene ta ti, ngele aantu oya tuntilwa ayehe, omukithi ngoka oguna ompito onene gushonopale nenge gu hulipo thiluthilu.

Ta kumagidha natango oshigwana kutya nonando osha tuntilwa nashi tsikile okugaanitha po oompango nomalandulathano oshowo omilandu dha tulwapo, okukeekela etaandelo lyoCovid-19.


2021-07-22  Victoria Kaapanda

Share on social media
Bottom of a page