Victoria Kaapanda
ONGWEDIVA- Pick n Pay okwa patulula oshitayi oshipe pambelewa mondoolopa yaNdangwa ohela,ositola ndjika otayi ithanwa Olunkono PicknPay.
“Ositola yetu ndjika twa patulula nena oyi li onti-22 muNamibia alihe, notwa kuta aanilonga 74 moositola adhihe, nelalakano oku eta elunduluko moonkalamwenyo dhaakwashigwa pwaa na okayoolola ka sha.” Omukuluntuwiliki gwoPick n Pay Viictoria Moller ta ti ngaaka.
Ta gwedha po ta ti Pick n Pay elalakano lye lyoku eta ositola mondoolopa yaNdangwa kali shi ashike lyokuninga oshimaliwa ashike olyokuyambidhidha wo aakwashigwana, onakuyiwa yawo nehumokomeho moshilingo.
Ngoloneya gwoshitoplwa shaShana Elia Irimari okwa li a popi ta ti nonando oshilongo oshi li monkalo ondhigu yegwopevi lyoshimaliwa moshilongo, Pick n Pay okwa li e shi holola kutya kehe shimwe ohashi vulu kuningwa ee tashi sindana, nonande oositola dhimwe dha pata oshoka oshimaliwa moshilongo itashi ende nawa.
Irimari ta ti ohokwe e na onene noonkondo ooshoka oshitopolwa she shaShana sha humithwa komeho naakwashigwana oyendji oya mona iilonga. Ta ti ositola yoPick n n Pay oya eta omawunawa nomalunduluko ogendji moshitopolwa.
Ta gwedha po ta ti okwa li a tseyithilwa kutya ositola ndjika otayi kala tayi yambidhidha elugo lyosikola Otala Combined School niikulya mbyoka yi na uundjolowele noya pumbiwa kaalongwa opo ya vule okukala ya pwiikina nawa mootundi.
Iikulya mbyoka otayi kala hayi gandjwa kehe komwedhi, nokomumvo otayi kala hayi kotha N$12 000.