New Era Newspaper

New Era Epaper
Icon Collap
...
Home / Prince William gwaBritain okwa li a kwatwa koCovid-19

Prince William gwaBritain okwa li a kwatwa koCovid-19

2020-11-04  Staff Reporter

Prince William gwaBritain okwa li a kwatwa koCovid-19

Prince William gwaBritain okwa li a monika omukithi gwoCovid-19 muApiilili pethimbo lyafaathana nahe Prince Chrles, onzo yi na uuyelele nOmbala ye yoKingston Palace tayi ti ngaaka. William, 38, omutekulu gwaQueen Elizabeth noku li omutiyali momusholondondo guukwaniilwa, okwa li a kaleke iizemo ye meholamo opo kaa ete engwangwano moshilongo, osho oshifokundaneki shoThe Sun shoka sha li sha lopota onkundana ndjika tango sha ti.
“Opwa li iinima ya simana tayi ningwa na kanda li nda hala okulimbilika nando omuntu,” William osho a li a lombwele omuntu gontumba ngaaka ngoka a lombwele oshifokundaneki shoka.
Okwa li a pangwa koondohotola dhomuuwa nokwa li a landula omilandu dhepangelo okukala a ikalela pamwe nofamili ye megumbo lyawo moAnmer Hall muuzilo waEngland, oshikundaneki tashi ti, sho tashi tsikile ko kutya okwa li natango a yi moonkundathana dhopangodhi 14 muApiilili.
“William okwa li a dhengwa kombuto ndjika nayi. Oshikando shimwe okwa li ta fudha nuudhigu, onkene kehe gumwe ngoka e li popepi naye okwa li a haluka,” osho onzo ndjoka inaayi tumbulwa kedhina ya li ya lombwele oshikundaneki sho The Sun. Ombala oya li ya tindi okutya k osha kehokololo ndika ashike inayi li pataneka.
Oshifokundaneki sho Daily Mail osha ti omukulukadhi gwe Kate osho wo aanona yawo aashona George, Charlotte naLouis inaya monika omukithi nguka.
William okwa li a monika omukithi konima yiiwike sho sha li sha tseyithwa kutya he okwa kwatwa muMaalitsa. Prince Charles, 71, okwa li a ikalekelwa megumbo lye moScotland nokwa li e na omandhindhiliko omashona gomukithi ngoka.
Queen Elizabeth, 94, opamwe nomushungu gwe Prince Phillip, 99, oya kala oomwedhi dhotango dhomukithi nguka moWindstor Castle muuninginino waLondon, noya ikaleke kokule naakwanezimo yawo yalwe omolwa oomvula dhawo ndhoka dha ya.
Omuprima gwaBritain Boris Johgnson okwa li a yi koshipangelo sho a kwatwa koCovid-19 muMaalitsa noominista dhontumba odha li wo dha kwatwa komukithi nguka gwa taandela nuuyuni awuhe. 
–BBC 


2020-11-04  Staff Reporter

Tags: Khomas
Share on social media