New Era Newspaper

New Era Epaper
Icon Collap
...
Home / Samaria komalolelo muudhano we wotango wopashigwana

Samaria komalolelo muudhano we wotango wopashigwana

2019-07-26  Staff Reporter

Samaria komalolelo muudhano we wotango wopashigwana

Maurice Kambukwe

WINDHOEK- Omudheuli omupe gwoBrave Warriors gwopakathimbo Bobby Samaria ota ka ya komalolelo muudhano we wotango onga omudheuli gwosipana yopashigwna sho Namibia ta ya ka tya pwaka naComosos Island methigathano wokuya koChan mo2020. Samaria okwa li u ulikwa onga omudheuli gwopakathimbo pwa pita ngashingeyi konyala oshiwike, nota yambidhidhwa kuWoody Jacobs. Nonando a kala omudheuli gwoosipana ngaashi African Stars noTigers moliha yopombanda moshilongo moka a sindana omakopi ogendji, shika osho oshikando shotango Samaria ta wilike osipana yopashigwana.

Uudhano wokongulohi wonena otau ka kala uudhano wotango onga omudheuli gwosipana yopashigwana. Osipana oyi na wo aamati aape naamboka aakulu ya dhana nale pankatu ngandjika.

Okwa tala maadhani ngaashiAbsalom Imbodi naMarcel Papama mboka ye na ontseeyo pamuthika nguka guudhano. Oosipana ndhika odha tsakanena iikando iyali methigathano olyo tuu ndika, moka Brave Warriors yaNamibia ya li ye shi pondola okusindana omaudhano agehe gaali.

Aadhani yoBrave Warriors mboka ya ya koComoros: Ratanda Mbazuvara, Cakvin Spiegel, Ivan Kamberipa, Obrey Amseb, Marcel Papama,Gustav Issak, Larry Horaeb, Junias Theophilus, Aprocius Petrus, Immanuel Heita, Dynamo Fredericks, Vitapi Ngaruka, Emilio Martin, Wendell Rudath, Llewelyn Stanley, Absalom Iimbondi, Gregory Auchumeb, Isaskar Gurirab, Elmo Kambindu naRevered Matroos.


2019-07-26  Staff Reporter

Tags: Khomas
Share on social media