New Era Newspaper

MTC Shares 2
Icon Collap
...
Home / Shangula: Covid-19 natango oi li mokati ketu

Shangula: Covid-19 natango oi li mokati ketu

2021-08-04  Festus Hamalwa

Shangula: Covid-19 natango oi li mokati ketu
Top of a Page

Minista wouhaku nonghalonawa Dr. Kalumbi Shangula ota kunghulile oshiwana opo shi twikile nokukala tashi shi li ufa komilandu doCovid-19 shaashi natango ombuto ei oili mokati ketu.

Shangula okwa denga omufindo ta ti ombuto ei oya nyika oshiponga neenghono, omo ya dipaa ovanhu vahapu moshilongo.

Meenghundafana a ninga naKundana Shangula okwa hokolola ta ti mopaife ngaha eshi ne ovanhu va pitikwa oku enda moitukulwa yayooloka meni loshilongo, itashi ti kutya moshilongo ka muna vali ombuto. Okwa ti ovanhu onghee tava twikile nokukwatwa kombuto ei shaashi ovanhu inava hala oku li ufa komilandu edi da tulwa po.

“Oinima ihapu paife oya lunduluka moshilongo ngaashi ovanhu paife ova pitikwa okukala omutumba keenhele dokulandifa oikulya, omo kwa didilikwa ovanhu vamwe vatameka nale okukala tava i nounona vavo keenhele doikulya osho shi li shanyika oshiponga kounona va shona. 

Onghee oshapuka oku ya nokaana kashona keenhele domangudumano shaashi ota ku dulu oku dilila ombuto yoCovid-19,” Shangula ta ti.

Shangula okwa kunghulila oshiwana ta ti ngeenge omunhu ena oudu wonumba ngaashi omukolo, ile tavele omutwe ina pumbwa opo a ye akatunhilwe ombuto yoCovid-19 shaashi pamwe otashi ka kala shi mweetele. Onghee okwa ti ovanhu nava kale tava i koipangelo opo va ka mone eendokotola tete manga ina vaya kotunhila yoCovid-19.

Okwa weda po ta ti vali ouministeli ouli wa limbililwa kovanhu tava file komaumbo kombuto yoCovid-19, onghee ovanhu nava kale tava i koipangelo diva ngeenge ve wete kutya ove na omadidiliko oCovid-19 opo kukelelwe etandavelo lombuto komaumbo.

“Ouminiteli wouhaku onghee ngaa tau twikile nokulonga noudinini nokukwashipaleka kutya oipangelo oina oikwafifo yoCovid-19. Onghee ohandi indile oshiwana opo tu longele kumwe mokukondjifa ombuto ei,” Shangula ta ti.


2021-08-04  Festus Hamalwa

Share on social media
Bottom of a page