New Era Newspaper

New Era Epaper
Icon Collap
...
Home / Shangula: Namibia a talela ekufikufi etine loCovid-19 

Shangula: Namibia a talela ekufikufi etine loCovid-19 

2021-11-24  Festus Hamalwa

Shangula: Namibia a talela ekufikufi etine loCovid-19 
Top of a Page

Omunista youhaku nonghalo nawa Dr Kalumbi Shangula okwa kunghulila ovanhu opo va katunhilwe ovenda yoCovdi-19 fimbo pepi, ta ti ekufikufi etine loCOvid-19 oko tali di oko.

Shangula okwa ti ovanhu aveshe ova pumbwa okukala va tunhilwa diva manga ekufikufi etine ina li fika.

Edi Shangula okwe dipopya Etivali eshi a ninga eenghundafana naKundana ta hokolola ta ti ovanhu nave lilongekidile ekufikufi etine okukala va mona omhito yokukatunhilwa shaashi ekufikufi eli tali ya ola nyika oshiponga neenghono.

Minista okwa ti osha fimana ngeenge ovanhu aveshe va tunhilwa shaashi eshi otashi shunifa pedu etandavelo lombuto moshilongo

Okwa ti ovanhu nava topolelafane ouyelele kombinga yefimano lovenda yoCovid-19 opo ovanhu va kale vena eudeko la wana lokukala va ka tunhilwa.

“Ookansela, oveene vomikunda va twikile okuninga oikonga kombinga yetunhilo yombuto ei opo oshiwana shi kale sha xwaxwamekwa okukala shina ohokwe yokutunhilwa,” Shangula ta ti.

Okwa kunghulila oshiwana opo shi xulife po okutandaveleka ouyelele woipupulu uli kombinga yovenda yomukifi woCovid-19.

Shangula okwa ti moshilongo omuna omiti dawana okutunhila ovanhu, onghee ovanhu ina va kala vena oumbada kombinga yomiti detunhilo.     

Okwa  weda po ta ti natango ovanhu nghee ngaa tava twikile okukwatwa kombuto eshi moshilongo ha mu lopotwa omwaalu wovanhu va kwatwa kombuto.

“Natu twikile okulifa komilandu doCovid-19 efimbo keshe shaashi omukifi ou owa nyika oshiponga neenghono,” Shangula ta ti.

fhamalwa@nepc.com.na

 

                                                                                                                


2021-11-24  Festus Hamalwa

Share on social media
Bottom of a page