New Era Newspaper

New Era Epaper
Icon Collap
...
Home / Shikomba a gandja iilonga kaantu 357

Shikomba a gandja iilonga kaantu 357

2021-11-25  Victoria Kaapanda

Shikomba a gandja iilonga kaantu 357
Top of a Page

Nonando omwaalu gwaanyasha kaaye na iilonga, tagu ende tagu indjipala omolwa oompito dhiilonga tadhi monika kolusindo, aanangeshefa yamwe onkene taya kondjitha okuhwapopaleka onkalo.

Mwene gwoKaale Lifestyle Centre Herman Shikomba, okwali a gandja iilonga kaanyasha ye li 357 momudhingoloko gwOmuthiya moshitopolwa shaShikoto.

Shikomba okwali a kutu aanilonga yokutunga osenda yoositola, yeli 105 yaza momundhingoloko moka, omanga ye li 250 ya mono iilonga tayi kalelele mositola ye, natango tayi ithanwa Omuthiya Spar.

“Uuna osenda ndjika yapu okulongwa ayihe, natango otayi ka kuta aanilonga ye li 450. Eelalakano okugandja iilonga kaanyasha oshowo okuya kutha momapandaanda,” ta popi ngaaka.

Ta ti oshimaliwa otashi koko ashike moshitopolwa uuna, oompito ndhiilonga dha etwa po oshowo omayakulo ga etwa popepi naantu, shoka  ngaashingeyi tashi ningwa kehangano lyOkaale Lifestyle.

“Oshimaliwa oshetu, ihe ihashi ya kusho yene, onkene otuna okushikongo  opo shi yepo, se otuna okulonga neitulemo opo tushi etepo, tu vule wo oku etapo natango iilonga,” ta fatulula ngaaka.

Nekomba okwati, nonando ya kala taya tsakaneke omashongo ga yooloka okuya po niilonga ayihe mbyoka, mwakwatelwa omukithi ngoka gwoCovid-19, ota kwashilipaleke kutya otaya kalonga nuudhiginini oshowo neitulemo sigo taya thiki mpoka pena oongundu dhoositola
Spar.   

Omunashipundi gwelelo lyoshitopolwa shaShikoto Samuel Shivute ngoka a koleke onkalo yokwaana iilonga mOshikoto okwa ti, aanyasha oyendji otaya kiiyadha momapandaanda oshowo momahala kaye na ohokwe namo omolwa onkalo. “Onkalo yo muntu kee na iilonga ondhigu, unene kaanyasha mboka oyo ye li methimbo lyokulonga, oku eta omboloto poshitafula oshowo okuyambindhindha aakwanezimo yawo,” ta popi ngaaka.

Shivute okwali a pandula ehangano ndyoka lyoLifestyle sho lye ya po noompito dhoka ndhiilonga, nonando ayehe ye li mompumbwe inaya mona ompito ndyoka, onkalo oya hwepopalekwa. 

vkaapanda@nepc.com.na


2021-11-25  Victoria Kaapanda

Share on social media
Bottom of a page