Festus Hamalwa

Kansela woshikandjohololo Okongo Lebeus Efraim Shipindo okuli ta talele po omikunda domoshikandjohololo shaye.

Kansela ta ti okwa hala ombelewa yaye ikale ya didilika omanyenyeto nomayakulo a pumbiwa kovakalimo vomoshikandjohololo shaye.

Shipindo okwa yelifa kutya ombelewa yaye oina oshisho noshiwana, onghee okwa kufa etokolo opo a talele po omikunda adishe neefikola domoshikandjohololo shaye. Ta ti elalakano oku ude moshiwana ye a pewe omayele kombinga yexumo komesho moshikandjohololo shaKongo.

Oshikandjohololo shaKongo oshili moshitukulwa shaHangwena, sho osho shimwe shomuikandjohololo ei ya pumbwa ekwafo ngaashi omeva, neepate dopashinena nosho tuu.

MEtivali loshivike eshi Kansela okwa tatalela po ofikola yedina Onhumba Combine school ili moshikandjohololo shaye. Ota ti okwa li e u dite etumba linene mokushakeneka ovafikola pamwe novalongifikola eshi kwali tava topolafana omadiladilalo taatungu nghee ofikola yapumbwa oku kala tai she edifa nawa mokulonga ovanafikola nokukwashipalenga kutya otai pitifa nawa ounona.

“Ondina oshiwana komutima, onda hala oku kwashipaleka kutya ombelewa yange otai kwafela oshiwana ngaashi naana nde shi anena moilonga kutya ohandi ka kwafela oshiwana. Onghee ndi u dite kutya oshafimana ngeenge handi talele po efikola nomikunda adishe domoshikandjohololo shange opo oshiwana shange shi pe nge omanyenyeto avo ame ondi dule di a twale le kovaleli vopombada,” Shipindo ta ti.

Shipindo okwa twa ovanyasha omukumo opo va twiikile nokulonga noudinini vo veli kelele noku longa oimbuloma ngaashi okuli dipaafana, noku vaka. Onghee okwa ti ombelewa yaye otai ka longa nelitulemo opo i tale kutya ovanyasha otava ningwa ngahelipi ava vehe na oilonga.