Ethimbo lyongashingeyi, moNamibia omwe ya oshinima shaantu taa kondjithathana, taa kondjele iipundi, onkalo ndjoka tashi tsu ondumbo neputuko nehumokomeho lyoshilongo. 

Oshili oshinima sha kwashilipalekwa muuyuni awuhe kutya kape na nande oshilongo sha putukile ngele omu na aantu nenge oongundu tadhi kondjithathana taye shi ningi shi li muuwanawa woohandimwe nenge wopaumwene.
Tala moDRC Congo, Angola pethimbo lyomupresidente omukulu, nonkalo hokwa kwali kuuka South Africa, iilongo mbyoka omaliko gayo oga li taga shongola nenge taga hala okushongola molwaasho aantu oya tengunuka ko kethano ndi enene e tayi itala yoyene. 

Aanamibia oko tu na okwiilongela hoka. Ngele owa tala komahangano moshilongo hoka ku na aantu taya kondjithathana, omahangano ngoka olundji ohaga kala ge na ompumbwe yoshimaliwa nenge yehumokomeho.
Oshiholelwa omahangano gopapangelo ngaashi koTransNamib, Air Namibia noNFA. 
Omahangano ngoka ogo ngaa ge na aantu taya lwile iipundi, go ogo ngaa taga nyengwa okuya komeho pashimaliwa nokuhumitha komeho oopoloyeka nenge omatungo.

Shika otashi ulike kutya aantu mboka haya kala taya lu ihaya tala ko we nokokukoka kwehangano, ihe omadhilaadhilo gawo ohaga kala owala ge li kokulwitha ngoka ya hala ya kuthe koshipundi. 

Uunambonambo, oNFA oya li miikundaneki shaashi taya kondjitha okutidha omupresidende gwayo. Nena oya nyengwa okufutila aadhani yaka kuthe ombinga omaudhano wopayuni. 

Otwa pumbwa okudhilaadila kutya okulwila iipundi, kaku li muuwanawa wehangano nenge woshilongo.
Oshoshili eliko lyoshilongo ngashingeyi kali li nawa, noyendji otaya ningi pohaulwoye oponguyo, ashike pethimbo tu li mulyo olyo ethimbo lyokulongela kumwe onga oshigwana opo tu tale kutya moshikungulu muka tu li shomashongo gopamahupilo otatu piti mo ngiini.