New Era Newspaper

New Era Epaper
Icon Collap
...
Home / Sikolo mwa Katima simangana ni kububa kwamutabani

Sikolo mwa Katima simangana ni kububa kwamutabani

2021-11-15  Obrien Simasiku

Sikolo mwa Katima simangana ni kububa kwamutabani

Kububa kwamezi amutabani kuse kutalize sikolo sesinyinyani sa Ngweze kalilimo zeñata, mi baituti ni maticele basaba kuli kuyema kwamezi amutabani kukabeya makete abona mwakozi. Muzamaisi wasikolo Irene Limpo-Kwazi naize butata bwa kububa kwamezi amutabani, buzwelapili kanako yetelele nihaike nebu bihile kwaliofesi zeswanela hakuna tatululo yefumanehile. “Luse lutwaezi kupila ni butata boo. Babeleki bakatengo katolopo batahanga haba biziwa, kono bapalelwa kutatulula butata,” nabulezi, pili asika kasheza lipuzo kaufela kumuzamaisi watuto mwasikiliti Josty Kawana, yana sika alabela kwamañusa ane alumezwi kwa foni yahae.

Zeo halili cwalo muinasipula wakatengo kaZambezi Development Association Blessing Maanda, nafitisize bunyemi bwa hae hala katengo katolopo, kakubulela kuli kapalezwi kutatulula butata bwa minshini yepompa mezi amutabani ili taba yekalile pili naha isika lukuluha kale. “Minshini yaluna yezamaisa mezi amutabani isupezi hahulu mi yaimelwa. Taba ye iswanelwa kupatalazwa kuba ye bea bupilo bwabatu mwakozi kiofesi yangambela wanaha, ili kuli liluko lelibona zazwelopili yalitolopo ni matakanyani lieze sesiñwi, kakuli katengo katolopo kapalezwi,” nekubulezi Maanda. 

Hana kupilwe kualabela falitaba zeo muyemeli watolopo yaKatima Mulilo Lister Shamalaza naize,  katengo kanze kasebeza katata kutatulula butata bwa kububa kwamezi amutabani, mi nahatelezi kuli macaziba basweli kubeleka fabutata bwa kwasikolo sa Ngweze.  “Neni ile kwasikolo sa Ngweze sesi nyinyani, mi lulemuhile kuli mungelo oliba kwa munshini omutuna utibani mi kona opaleliswa mezi amutabani kufita. Lulikile kupompa kakusebelisa tiraki yaluna yehoha mezi amutabani, kono nekusina tuso bakeñisa kutibana. 

Luka kwalula pompi yabusupa ili yenungahana mungelo wo,” nekuhatelezi muyemeli. Nabulezi hape kuli bayahi batolopo basike babilaela kakuli katengo katolopo kana ni mulelo wakulukisa kububa kwamutabani kulibisa lineku lisili. “Kikacwalo halusa talimana ni butata bwakutibana ni kufufula kwamezi amutabani, kakuli kalulo yakulibisa mezi amutabani mwalineku lisili isa zwelapili. Lulibelezi lisebeliso zeshota kuli kalulo kaufela ito felelezwa, sihulu fasibaka sesi zibahala hahulu sa Build It,” nekubulezi Shamalaza.


2021-11-15  Obrien Simasiku

Share on social media