Omudhani gwokomeho gwaCanada Christine Sinclair oye ngashiingeyi a tula mo ookoola odhindji ta dhanene oshilongo, shika osha kwatela mo uudhano waakiintu naalumentu wokatanga kokoompadhi. Okwa yi komeho gomudhani ngoka a tsilika omakwa gwaAmerica Abby Wambach e na ngashiingeyi ookoola 185 sho a li a tula mo ookoola mbali mominute 23 dhopetameko sho Canada a li a dhenge St Kitts & Nevis 11-0 muudhano wokuya kethigathano lyoOlympic 2020. Ali Dei oye a tula mo ookoola odhindji dhopaigwana, omudhani nguka a tsilika omakwa gwaIran okwa tula mo ookoola 109. Sinclair, 36, okwa li ta dhana uudhano we uu-290.
“Otandi dhimbulukwa nda tameke ondjila yandje yokatanga kokoompadhi tandi dhilaadhila, ondi na ookoola odhindji ndi na oku dhi tula mo ashike onda kala nda umbila ko nale eho manga ndi na oomvula 16,” Sinclair osho a li a lombwele oBBC omvula ya za ko konima sho a li a dhana mekopi lye etitano lyuuyuni.
Sinclair okwa li a tameke uudhano we kokalaba yedhina Vancouver ashike uule woomvula 10 dha za ko okwa kala nokudhana moUS, a dhanenea oosipana dhoGold Pride, Western New York Flash noPortland Thorns. Okwa dhanene oshilongo tango e na oomvula 16. Mo2012 Olympic, okwa li a tula mo ookola hamano. -BBC
