New Era Newspaper

New Era Epaper
Icon Collap
...
Home / Sioka:  Okatongotongo kovakainhu nounona voukadona na  ka mone exulilo

Sioka:  Okatongotongo kovakainhu nounona voukadona na  ka mone exulilo

2022-03-09  Festus Hamalwa

Sioka:  Okatongotongo kovakainhu nounona voukadona na  ka mone exulilo

Minista woukashikekookanhu nonghalonawa yokaana Doreen Sioka okwa ti ovakainhu, ovalumenhu nounona nava kale ve na oufemba u fike pamwe, vo  nava kale ve na oufemba wokuninga omatokolo.

Sioka okwa ti ovakainhu ove na oufemba wokuninga omatokolo momaumbo, koilonga ile koikondo ya yooloka yopapolitikika.

Edi minista okwe di popya Etivali pefimbo kwa li ta popi noshiwana mefiku lovakainhu mounyuni la li kodoolopa yaGobabis moshitukulwa shaMaheke eshi a ti ovakainhu ove na oufemba hoku li hongela omaifano a yooloka ngaashi ovalumenhu.

Minista okwa ti ounona voukadona novakainhu ove na oufemba wokukala ve li meameno nokulopota ngeenge tava ningilwa omatilifo kovalumenhu.

“Onda pandula ovakainhu eshi va longa noudinini mokuhambula po eliko loshilongo eli ngaashi koshikondo shounamapya eshi vahapu paife ve na oinyangadalwa younamapya, omanga vamwe ova longa nelitulemo koikondo ihapu ya yooloka,” Sioka ta ti.

Minista okwa kunghulila ounona voukadona novakainhu opo va twikile okulihongo, vo va kale ve na ounongo uhapu wokulonga noinima ya yooloka.

“Okwa ti ovakainhu vahapu ove na eedondo deenghatu dili pombada kouministeli wa yooloka nomomahangano mahapu, onghee eshi otashi u like efano liwa nawa eshi Namibia a fimaneka oufike pamwe wovanhu aveshe,” Sioka ta ti.

Okwa kunghulila oshiwana opo shi kale tashi xwaxwameke okukala sha fimaneka oufike pamwe wovanhu aveshe keenghatu da yooloka.

“Ovanhu nava fimaneke omifyuululwakalo davo opo va kale va fimanekafana nokukelela omahepeko oukashike kookanhu omomaumbo,” Sioka ta ti.

Okwa weda po ta ti oshiwana nashi kale tashi longele kumwe opo shi kondjife onghalo yomahepekafano oukashike kookanhu.

fhamalwa@nepc.com.na


2022-03-09  Festus Hamalwa

Share on social media