New Era Newspaper

MTC Shares
Icon Collap
...
Home / SUN a hafifwa kuMasilingi naMboma

SUN a hafifwa kuMasilingi naMboma

2021-08-04  Festus Hamalwa

SUN a hafifwa kuMasilingi naMboma
Top of a Page

Ehangano lovalihongi koipupudilo yopombada loStudent Union of Namibia (SUN) ola pandula unene Christine Mboma naBeatrice Masiling eshi ve shi pondokola okufindana noudano momafiyafano oOlympics koTokyo shaJapan. 

Hamushanga koshikondo shomaudano mehangano loSUN Tuhafeni Kalola okwa ti ovakainhu ava ova longa oshilonga oshipandulwa eshi vaka kalelela po Namibia koudano wopaunyuni.

“Oidjemo ye findano lovakainhu ava otai hokifwa unene, onghee eshi oshe tupa omayele opo lombwele epangelo li kale tali yambidida oshikondo shomaudano moshilongo tashi pitile mokuyandja oshimaliwa sha wana,” Kalola ta ti.

Kalola okwa ti epangelo na li tunge omandi ahapu omaudano, oo taa kale ta yandje omadeulo ayooloka kovanyasha kombinga yomaudano. Okwa denga omufindo ta ti unene tuu oitopolwa yokonooli oyo yimwe i li meshongo linene lomandiki omaudano.

Okwa ti oveli aveshe nava kale tava yambidida ovanyasha ava vena ohokwe yoku kufa ombinga momaudano shaashi ou ouli omukalo muwa wokuxulifa po oimbuluma moshilongo ngeenge ovanyasha tava kufa ombinga moudano.

“Oudano owa fimana unene komunyasha keshe, onghee ovanyasha aveshe nava kale va pewa omito yokukala tava kufa ombinga momaudano ayooloka,” Kalola ta ti.


2021-08-04  Festus Hamalwa

Share on social media
Bottom of a page