New Era Newspaper

New Era Epaper
Icon Collap
...
Home / Swapo oye dhingi - Nandi-Ndaitwah

Swapo oye dhingi - Nandi-Ndaitwah

2020-11-19  Staff Reporter

Swapo oye dhingi - Nandi-Ndaitwah

OHANGWENA– Omupevipresidente gwoSwapo Netumbo Nandi-Ndaitwah, okwa ti nonando aantu naya tye shike, Swapo oye dhingi yo oyo ashike ongundu yuudemokoli moshilongo. Nandi-Ndaitwah ndhika okwa li e dhi thamuna poHelao Nafidi sho a li ta popitha moshikandjohogololo Ohangwena pethimbo lyoshigongi oshinene shoSwapo mOmaandaha.

Okwa li a kumagidha aahogololi yomoshikandjohogololo shoka ya inipe oompilameno pamukalo gokuhogolola oSwapo momahogololo gaNovemba gomalelo gopayitopolwa noondoolopa. Kansela ngoka e li koshipundi ngashiingeyi, Johannes Hakanyome oye omuulikwahogololwa goSwapo momahogololo ngoka taga ka kala ko momasiku 25 Novemba.

Sakaria Haimbili, Penehupifo Mathias, Fillipus Shimunyengu, Lucia Nghililewanga, Darius Shaalukeni, Sylvia Hangula naTomas Kandjebo oyo ookandidate dhongundu dhomelelondoolopa lyaHelao Nafidi.
Ondoolopa yaHelao Nafidi oya lukilwa nakulwa omukulu omukondjelimanguluku goSwapo onkene Nandi-Ndaitwah ina hala nando ompilamena yi kuthe ko elelo ndyoka.
Mongashiingeyi, Frieda Kashikatu gwongundu yoRally for Democracy (RDP) oye ashike e li melelo lyiilyo iheyali yelelndoolopa lyaHelao Nafidi kee shi omukwaSwapo.
Shi ikwatelela kuNandi-Ndaitwah, ngele elelo lyondoolopa olya kuthwa ko kompilamena nena nakusa Nafidi okwa nuwa po ngaaka.
“Onga omukwiita, Helao Nafidi okwa li e tu lombwele kutya ekondjelomanguluko lyetu olyi na iiluku iyali, ekondjelomanguluko lyopapolitika naandyoka lyopaliko. Otwa sindana ndyoka lyopapolitika nan natu tsikileni nomukumo ngoka opo tu sindane lyopaliko,” osho a ti ngaaka.
-Nampa


2020-11-19  Staff Reporter

Tags: Ohangwena
Share on social media