Onkalamwenyo yomulongwa koshiputudhilo shopombanda International University of Management (IUM), oye mu dhigupalele, sho a hulile muunyengwi no itaa vulu we okutsikila molwoshimaliwa shofuto.

Maria Nambula Malakia e li momvula ye yotango ta ilongele uulongi wopombanda koIUM mOvenduka okwa ti, okwa tseyithilwa kosikola kutya ngele ina futa omanga omasiku 31 gaMalitsa inaaga thika itaka pewa ompito yokushanga ekonakono.

“Onda tegelelwa ndi kale nda futa N$4 600 omanga omasiku ngoka inaaga thika, ihe kape na mpoka tandi yi kutha. Aakuluntu yandje ayehe kaye na iilonga nonande tate oha nyandhangala ngaa, mpeya naampeyaka,” ta ti ngaaka

Ta hokolola ta ti, he okwa li a longo iilongo yokoonyala momikunda opo a vule e mu futile N$1 900 opo a vule okwiishangitha petameko lyomumvo, ihe ngashiingeyi okwa hulile muunyengwi, ita vulu we okutsikila okufuta mbyoka ya hupu ko.

Malakia okwa li a mangulukele okulombwela omutoolinkundana nguka kutya okwa li a kambadhala natango okuninga omayindilo koshiputudhilo shopombanda sha-Unam mOngwedia, Hifikepunye Pohamba, ihe kakwa li a galukilwa neyamukulo, a ningila okukala popepi negumbo.

“Ohandi ende okuya kosikola okuza koGoriengab koompadhi, nepunda lya ekama oshoka kape na iimaliwa niikulya. Memegona ngoka handi zi naye ke na iiyemo yasha,” a popi ngaaka.

Malakia oku na iitsa 31 miilongwa yi li ihamano. Ta ti okwa ninga onkamabadhala oku indila omukuli koshiputudhilo hashi kwathele aalongwa, ihe sigo oompaka ke shi kutya okwa thikama peni. 

“Otandi indile moshigwana ashihe opo kehe ngoka ta vulu okuyambidhidha ndje okufutilandje, opo ndi ka kwathele aakuluntu yandje oshowo aamwameme ngele nda mana osikola,” ta indile.

Omulongwa ngoka a zi megumbo kaali na aayambidhidhi yalwe okwat i, aakuluntu ye ngele okwa li ye na iiyemo, ngeno  otaye mu yambidhidha, oshoka oya hala a mane osikola opo e ye e ya kwathele wo.

Ngoka e na ohokwe yokuyambidha Maria na ndhenge kongodhi ye yopeke. 081 3219 487 nenge kongodhi yahe 0818183903.