Elise Haimene (34) a yambukile momukunda Oshilawo moshitopolwa shaHangwena okwa ti, ehalo lyokufala okanona ke komimvo hamano kosikola oku li na, ihe ke na nkene oshoka osikola oyi li kokule, ye ita vulu oku enda oshoka oku na  uulema wokomagulu.
“Ondi na uunona wu li utatu, awuhe uunuulema. Osheeli omukadhona gwomivo 11, ngoka e na uulema komagulu nokokwaako, ihe ohayi kosikola. Okw alandulwa kontowele yomimvo hamano ngoka naye  e na uulema komagulu, ihaa vulu oku enda,” Haimene ta ti ngaaka.
Ta ti, omwanamati gwonkelo (2) okwa valwa nomutse gu na omeya, ihe naye iha ende, iha popi ye iha kuutumba.

Haimene okwa popi ta ti, aanona ayehe oya valwa nuulema, ihe oku li muupyakadhi nokuwuyambidhidha oshoka kena sha iyemo ya sha.
“Onda hala okukwathelwa unene nuutemba wanona yaali mboka ihaaya ende, omolwa uunkundi yena. Natango onda hala omukadhona gwandje gwomimvo hamanp atameke osikola oshoka otapitililwa po kelongo, nomimvo dhe odha thika okutameka osikola,” Haimene a popi ngaaka.

Apopi ta ti, okwa koneke kutya okuna omagano, nongele okwa kala ihaayi kosikola otashi shunitha omagano ge mevi.
Haimene okwa lombwele kundana kutya unona we okwe nyolitha openzela, ihe itayi gwana okugwanithapo oompumbwe adhihe dhaanona, ngaashi uutemba.
“Otandi kapandula kehe ngoka taka yambidhidhandje,” Haimene ta ti.