New Era Newspaper

New Era Epaper
Icon Collap
...
Home / Tava taataa oluhepo nodjove

Tava taataa oluhepo nodjove

2021-06-11  Festus Hamalwa

Tava taataa oluhepo nodjove

Festus Hamalwa

Omeme vomokunda Ongenga moshitukulwa shaHangwena oveli unganeka, veli mopoloyeka yoku yenga noku landifa omaxuku nodjove. 

Ovakainhu ava kave na oilonga imwe ilili, ohava xupu a shike mopoloyeka yavo omu. Ashike mopoloyeka omu omo hamu di oshimaliwa shoku futila ounano vavo eefikola, noku xupifa eefamili davo.

 “Paife ngaha otuna nounona vetu va mana eefikikola koipupudilo yopombada. Ounona ovo ova mana elihongo lavo noshimaliwa shandja moxuku nondjove,” tava hokolola.

Ovakainhu ava veli 10 ova kala mopoloyeka ei oule womido 15 paife. Tava ti ovalandi voilongomwa yavo ohava kala veli momwaalu munene tava pula ondjove nomaxuku.

Ova hokolola tava ti odjove oya fimana kuvo shaashi ohai va etele oyuuyemo ya wana. Ova popya tava ti oyambididi vopoloyeka ei ovangeshefa a va hava landifa oikulya, ohava landifa yoo vali nokovanhu oohandimwe.

Meenghundafana va ninga naKundana ova hokolola tava popi kombinga nghee opoloyeka ei ya shendja eenghalamwenyo davo.  Lahya Kahamba okuna eedula 62 notahokolola ta ti, ondjove oya fimana momalutu ovanhu shaashi ohai kwafele pamikalo da yooloka ngaashi oha ningi omunhu a kale ena omesho matoka nokuwete ko nawa. 

Kahamba okwa hokolola yo vali ta ti mondjove oha mudi omaadi okuvava kolutu, yo ohai velula nomukolo.

“Ondjove oya fimana unene kufye shaashi omo hatu mono omaadi etu okuvava, onghee paife fyee iha tu lande vali omaadi meefitola shaashi otuli ha tu mono nale omaadi etu taadi mondjove,” Kahamba ta ti. 

Onghee ovakainhu a va otava pandula shaashi vati ova mona omauwa mawa oku pilila mopoloyeka ei yokuninga omaxuku. Ova twa ovakainhu vakwao omukumo opo va kale tava kufa ombinga meepoloyeka edi tadi va etele oshimaliwa opo va tataye po oluhepo.

Pexulilo ovadenge omufindo tava ti ovakainhu na vahangane momikunda davo nokukala tava topolafana omayele nghee vena oku kondjifa oluhepo.


2021-06-11  Festus Hamalwa

Share on social media