Omulumenhu wouxupi taufaafanifwa nokakende kokadampi, Themba Ntuli okwa tula moipundi okakadona keendjodi daye exuliloshivike la dja ko.
Omunamido 28, omudani woinyandwa oo e na oule weesendimeta 120cm hano outendifo vane va tulwa kumwe, okwa hombola okaholike kaye kefimbo lile Hope Masilo.
Ntuli okwa shiivika nawa omolwa onghandandala oyo a dana mokafilima komoshilongo shaye haka holoka koDStv efiku keshe, kedina Rhythm City, nomuvakwao ngaashi Frank & Fearless naSoul Buddyz.
Okwa tameka unene okushivika nawa eshi a holoka moukino voipindi vokoTV voVodacom momudo 2011.
Ohango tai difa omaxwilili mawa notai shambula omwenyo, oya tameka Etitano la dja ko noshivilo shitoka tootoo sha nyika eembongo sha ningilwa koEnGedi – The Oasis Cradle, moMuldersdrift.
Ondolofiya, yomufuko omunamido 27, oo a li a kelela eexwiki daye e di ninga dixupi, okwa li ta vilima a fa eenyofi omanga Ntuli a li e li moshuta nonghaku tai nu oxuxwa.
Oshivilohanga eshi osha ya fiyo omOlomakaya eshi sha patwa nomufyuululwakalo wOshizulu molukanda looNtuli moVosloorus omo mwa li mwa djalwa oikutu yomaluvala a twa nawa.
Oohashikeshalye va kwatela mo Zethu Dlomo, Lebo Mphahlele, Tinah Mnumzana naNelisiwe Mwase navo ova li mengafifi olo la li la hafala pamwe novalihomboli ava.
Mwase okwa ya nokuli kosocial media oko a tukulilafana novalanduli oku ulika ondjila yohole yoolikwao ava.
“Efiku limwe, Themba ote ke mu lombwela nghee onakudiwa yavo y ali i na omashongo, ashike eshi ote ke shi hokolola pamaliudio aye mwene nopefimbo olo la ufwa kuKalunga,” Mwase ta nyola.
“Ehokololo liwa neenghono, la tameka mo2008 eshi Themba a tameka kupula opo Kalunga e mu pe omuvaleki, oo ta ka ninga omukainhu waye. Paife otu li mo 2019, ondjodi yaye oya ninga oshili”.
“Ohole yavo otai lundulula nghee eudeko loye lohole naashi ohombo yavo tai eta po.
“Ove lihole neenghono, noku he na oumbada kutya ounyuni otau ti ngahelipi. Vahapu vomunye otave li pula kutya osha enda naanaa ngahelipi, shoo osho nee Themba ina hoolola nande oumwe womufye oye a ninge omukainhu waye.”
Odjo: Sowetan
