New Era Newspaper

Header ads
Icon Collap
...
Home / Theofelus okwa hala iihohela kuuikwathitho waakiintu yi ze po

Theofelus okwa hala iihohela kuuikwathitho waakiintu yi ze po

2021-03-08  Staff Reporter

Theofelus okwa hala iihohela kuuikwathitho waakiintu yi ze po
Top of a Page

Ominista yopevi muuministeli womauyelele nomakwatathano gopaungomba Emma Theofelus okwa pula egumbo lyaatotiveta opo li ikunde ngele otashi vulika opo kaaku tule we iihohela kuunima woku kwatha aakiintu naanona yaakadhona ngele yeli koomathimbo. 

Theofelus shika okwe shi eta poshitaafula sho a gandja osheetwa po she kegumbo lyomutumba wopashigwana Etine lyoshiwika shazi ko. 

Mosheetwa po she, Theofelus okwa pula opo egumbo li ikunde ngele naku kale taku gandjwa okapambu okashona kiihohela mbika, nenge yi kuthwe po thilu thilu. 

Ta ti ngele otaku gandjwa otax kuuikwathitho inayi kala yi vule po poopelesenda ndatu. 

Omutotiveta nguka omugundjuka ta pula kutya oshinima shika nashi ikundwe kakomitee hoka taka vulu oku shi kalela po ko ka ninge omapekapeko gomuule, nenge ominista ye mona yi tale ngele otashi vulika ku lundululwe oveta yiihohela. 

Oonkundathana kombinga yosheetwa po shika okwa tokolwa opo dhika le ko ngula. Osheetwa po shomupevi minista osha landula eindilo lya ningwa kehangano lyaashi lyopapangelo, ndjoka hali gandja uuikwathotho mbuka kaanona yoskola naakiintu yeli moluhepo.

Momumvo 2019, omunista yuukashike kookantu Doreen Shiyoka oyali ya tseyitha kutya oopelesenta owala 17 dhuunona wuukadhona hau zi kiitopolwa yokomikandi hadhi vulu oku mona omakwatho ngoka. Oopelesenda 80 odhi na uudhigu kadhi na mpoka hadhi adha uukwathitho, egameno niinima yanika uundjolowele ngele ye li komathimbo. 

Oshikundaneki shimwe moshilongo osha li sha lopota kutya uunona wuukadhona uwundji mboka hawu yi kosikola ohawu thiminikwa konkalo opo wu kale momagumbo ngele wuli komathimbo omolwa ohoni, wo ishewe kawu na sho tawu zala, omanga wumwe hau tete iinyakwi eta u ihitike pehala lyokakwathitho hoka kaake po, molwashoka kapu na oshimaliwa shoku ulanda. Epangelo melongelokumwe noUnited Nations International Children’s Emergency Fund (UNICEF), ndjoka yili le po onkalonawa yaanona, oye ya po noshinyangadhalwa tashi ithanwa Menstrual Hygiene Management Clubs shoka shi li oshitukulwa shesiloshipwiyu lyonkalonawa yokomathimbo kaanona yoskila ayehe. 

Sioka okwa tile ope na ompumbwe onene opo ku siwe oshimpwiyu kutya aanona yosikola oya pewa uukwathitho oshali. –Nampa 


2021-03-08  Staff Reporter

Share on social media
Bottom of a page