Archbishop Desmond Tutu okwa pewa ishewe epapa molwa onkandangala a dhana mekaleko po lyuuthemba gwomuntu. Epapa ndjoka otali ithanwa Human Rights Global Treasure Award, nokwe li pewa moku simaneka eitolomo lye moku kaleka po ombili, uuthikepamwe nuuthemba gwomuntu, eshi ningi onkalamwenyo ye ayihe.  
Epapa ndika lya gandjwa kehangano hali ithanwa Article3.org, olya li lya tseyithwa mEtine, lypshiwike shazi ko, sho uuyuni tawu dhimbulukwa uuthemba gwomuntu. 

 “Archbishop Tutu oye gumwe gwomaaleli mboka ya itula mo mekondjelo lyuuthemba gwomuntu, no ihaya tengauka nando moku ninga oshinima shika,”  osho omutotipo gwehangano ndika lyo Article3.org. Darian Swig, a ti.  Swig ta ti Tutu okwa kala aluhe ha popile mboka kaaye na ewi, noku kutha onkatu oku ya kwatha ngaashi ta dulu. 

“Onkalomwenyo yuuleli yaArchbishop Tutu oyi li lela pethmbo. Otu li pethimbo mpoka twa pumbwa oku silathana oshimpwiyu noku simaneka uuthemba gwaantu aakwetu. Otwa pumbwa oku holathana.

“Archbishop Tutu oshinima shika okwe shi longa nomwenyo aguhe, nomutima gwe nagu kale ogo ondjukithi nomu noshiholelwa shika tashi kwatha uuyuni moku longa uuwanawa noku simaneka uuthemba gwomuntu kehe. 

Tutu, ngoka eli omubishofi omukuluntu e li moshipundi shevululuko okwa hokololwa a kala omuleli ngoka a li a gandja ewi lye pethimbo lyuukoloni nokwa kala eli ompinge nomayonagulo guuthembwa gwomuntu  ga kala taga ningilwa aakwashigwana ye. 
“Okwa kala wo ethimbo nuule ta popile uuthemba womashenge muuyuni aguhe, nokwa kala eli ompinge nepangulo lyaantu nenge enyonyodholo lya ikolelela kehogololo lyopamilelel eshi ningi muuyuni aguhe mwa kwatelwa iilongo ngaashi Uganda moka ihaamu tokiwa eshenge. Eitolomo lye moku popila uuthemba gwomuntu, olya monitha Archbishop Tutu epapa lyedhina Nobel Peace Prize momumvo1984,” ehangano tali ti momushangwa walyo.
Piyushi Kotecha, ngoka oye omunambelewa omukuluntu gwehangano lyoDesmond & Leah Tutu Legacy Foundation, okwa ti: “Ngashingeyi shi vulithe shito, olyo ethimbo lyoku dhimbulilwa omakwatho ngoka twa pumba oku ganda kaanto ooyakwetu oku uva ko aantu ooyakwetu oku idhimbwa tseyene noku kwatela aantu yopomidhingonoko dhetu noshigwana ashike.