New Era Newspaper

New Era Epaper
Icon Collap
...
Home / Umwe a xulifila moshiponga shotuwa, omanga vatatu ova mona oshiponga komalutu

Umwe a xulifila moshiponga shotuwa, omanga vatatu ova mona oshiponga komalutu

2021-05-26  Festus Hamalwa

Umwe a xulifila moshiponga shotuwa, omanga vatatu ova mona oshiponga komalutu

Omukainhu weedula 35 okwa xulifila moshiponga shotuwa mondjila pokati koUsakos noKaribib efimbo lokonguloshi lopo19h00, Oshoondaxa moshitukulwa Erongo.

Omupopiliko wopolifi Inspector Ileni Shapumba okwa hokolola ta ti nakufya okwali eli motuwa yoToyota ei kwali tai shingwa ya uka kondolopa yaSwakopmund. 

Shapumba okwa hokolola ta ti omushingi okwa nyengwa oku konakona osheendifo shaye fiyo tashi yalangata nokulidenga po. 

Motuwa okwa li muna ovatwalelwa veli vatatu, nomushingi umwe. Okwa ti ovatwalelwa vavali pamwe nomushingi ova mona oshiponga komalutu, omanga omukainhu umwe okwa xulifila ponhele opo oshiponga sha ningilwa.

Nakufya oye Elsie Natasha Gaweses. Olutu laGaweses ola twalwa kokila koshipangelo shaUsakos, omanga a va valemana ova twalwa navo koshipangelo shaUsakos opo va kamone epango lopaunamiti. Ovakwapata vavo ova shiivifilwa onghundana ei. Oshiningwanima shikwao vali oshefyo lomumenhu weedula 29 ou a fya eshi a tuwa nombele kukaume kaye mexuliloshivike koKuisebmund modolopa yaWalvis Bay.  Shapumba okwa hokolola ta ti nakufya okwa li eli pondingosho nomufeekelwa tavanu omalodu efimbo loufiku potundi 22h30.

Shapumba okwa ti nakufya okwa tuwa nombele komufeekelwa shaashi vati okwa manamo elodu eli kwali tavanu, vati ina fiilamo mukwao tu nande.

Nakufya oye Gaosepsonb omukalimo womoKuisebnund.

Omufeekelwa okuna omido dili 22. Okwa kwatwa po notakaholoka momangu yamegrestarata yaWalvis Bay oshivike eshi.

Ovakwapata vaGoaoseb ova shiivifilwa efyo laye nomakonakono opolifi otaa twikile.


2021-05-26  Festus Hamalwa

Share on social media