Omunailonga omukulunhu mombaanga yaBank Windhoek okwe li hanga momeva mapyu eshi vati a yeleka ovalaule neendjima moshinyolwa osho a tula kofacebook 
Riaan van Rooyen oo e li omukulunhu koshikondo shomalandifo ombaanga otaku hokololwa a kufa omafano avali, limwe oloondjima va kakanya ohauto, nalimwe lovalaule va londa ta ta ti: “omikalo davo, eendunge nouteku wavo owe lifa naanaa filu.” 

Van Rooyen okwa kufwa moilonga pakafimbo meendelelo nokwa teelelwa opo a ka pulaapulwe nok nyamukula kwaasho a ninga. 
Momushangwa oo wa pitifwa mEtitatu kuBank Windhoek otau ti, omadilaadilo aVan Rooyen oo a tula koFacebook, hao nande nande ehangano loCapricorn Group ilo Bank Windhoek nomahangano oo a nyama kulo. 
 “Capricorn Group naBank Windhoek otave likaleke kokule naasho sha nyolwa komunhu ou. Capricorn Group aveshe naBank Windhoek oveli omhinge nokatongotongo koluvala loshipa, outondwe, oludi keshe lefindilokongudi osho yo omutya nai tau piyaaneke oufemba womunhu,” omushangwa tau ti. 
Vahapu ove li omhinge nomafano a Van Rooyan, tava ti otaa pendula oivate youkoloni oyo natango inai dimbiwa kuvahapu, unene ovalaule.