Osikola yoshiputundhilo shopombanda shaUnam mOgongo oya yambindhindhwa nomiti dhili 36 000 koshiputundhilo Cardiff.
Endikin lyokOgongo olyi li oshilyo sho poleyeka tayi ithanwa phoenix ndyoka hayi yambindhindhwa kepangelo lyoWelsh ndyoka natango lya tegelelwa okuyambindhindha aaNamibia oyendji.
Omupeha kansela goshiputundhilo Cardiff Colin Riodan okwa totha mo kutya epangelo lyawo olya li ilongekidha natango okuyambindhindha oployeka ndyoka momikalo adhihe.
Ta ti opoloyeka ndyoka oyi na sha unene nokukaleka po oshowo okuhumithakomeho iihwa nomiti, no yili me hala lya opalela. “Ehala ngaashi Ogongo otali humu ashike komeho uuna oshigwana tashi iindhopomo noku yambindhindha mpoka tashi vulu” ta ti popi ngaaka. Omupeha kansela gwoshiputundhilo Unam Kenneth Matengu okwati iiputundhilo mbika iyali oya yi kumwe okunkondopaleka ehumokomeho lyomindhingoloko.
“Otwa longekindha okuyambindhindha aantu yetu mokuhuma komeho oshowo okuyapa omalongo,” ta ti ngaaka. Matengu okwa ti natango otaya ka yambindhindha oshigwana shi na nale uunongo notseyo.
Okwa fatululwa kutya okukuna omiti ohaku kandulan po ondjala, okuopaleka omundhingonoko oshowo oku eta omizile momudhingoloko.
Omunasikola poshiputundhilo mpoka okwa ti inashi simana ashike okuopaleka oshitopolwa shoka, ashike omiti ohadhi dhana wo onkandangala momindhingoloko. “Omiti odha pumbwa okukunwa odhindji, nu na omililo, omafundja nosho tuu taga ka holoka, ngoka haga vulu wo natango okuhalakanitha omiti, ope na ndhoka tadhi kala po,” ta ti ngaaka.
Ta kumagidha oshigwana momindhingoloko gOgongo shi sile oshimpwiyu omiti ndhoka tadhi tsikwa, nelalakano lyokukaleka ondoolopa yOgongo yopala oshowo okugandja ombepo ya gwana.
Omunasikola ngoka, okwa kumagidha oshigwana shi tsikile okukuna omiti odhindji opo oshigwana shokomongula shi adhe ondoloopa yOgongo yi li methano tali hokitha. “Omiti odha simana, onkene odhi na okusilwa oshimpwiyu opo dhi kalwekwe po. Oshigwana osha pumbwa okukala tashi tsike omiti odhindji, ngaashi naanaa shika sha ningwa nena,” ta ti ngaaka. vkaapanda@nepc.com.na