New Era Newspaper

MTC Shares
Icon Collap
...
Home / Unam ta yambidida okukondjifa oCovid-19

Unam ta yambidida okukondjifa oCovid-19

2021-09-08  Festus Hamalwa

Unam ta yambidida okukondjifa oCovid-19
Top of a Page

Ngaashi naana kwa didilikwa kutya ouministeli wouhaku nonghalonawa owa pumbwa oikwafifo mokukondjifa ombuto yoCovid-19, Oshipupudilo shopombada shaUnam osha yambidida ouministeli wouhaku eshi sha yandja oikwafifo yoCovid-19 yongushu yeemiliyona mbali.

Moshipopiwa shaye minista wouhaku nonghalonawa Dr Kalumbi Shangula okwa tambula ko oikwafifo yoCovid-19 nolupandu linene. Shangula okwa ti oikwafifo oye ya pefimbo liwa onghee otai ka topolelafanwa komandiki ouhaku aishe moshilongo opo ikale ya longifwa mokukeelela omukifi woCovid-19.

“Ohandi indile oiputudilo yopombada opo ikale ya konga omukalo ou tau dulu okulongifa opo ku xulifwe po etandavelo lombuto yoCovid-19 moNamibia, onghee oiputudilo nai ninge omapekapeko omoule kombinga nghee ombuto yoCovid-19 ina okukala ya mona exulilo moshilongo,” Shangula ta ti.

Unam okwa yambidida yoo vali oshikondo shomavyulonghalo eshi a yandja oikwafifo yoCovid-19 ngaashi eefewa, oumaska, noikutu yokudjala kovanambelewa vokomavyulonghalo opo va kale veli amena.

Moshipopiwa shaye omukukunhu woUnam Kenneth Matengu okwa ti elalakano lokuyandja oikwafifo ei okwa okushakeneka epangelo ondjilakati nokukwashipaleka kutya ouministeli wouhaku ouna oikwafifo ya wana opo kukondjifwe ombuto yoCovid-19 moshilongo.

Matengu okwa ti oikwafifo ei otai twalwa komandiki ouhaku koitukulwa yayooloka moshilongo.

Okwa weda po ta ti Unam ota lalakanene okukala oye dingi mokuyandja ehongo lopombada ngaashi okuninga omapekapeko ounongononi.

“Natu twikileni no ku liufa komilandu doCovid-19 shaashi omukifi ou owa nyika oshiponga, fye natuyeni momwaalu munene opo tu ka tunhilwe ombuto yoCovid-19 opo tu kale tweli amena,” Matengu ta ti.


2021-09-08  Festus Hamalwa

Share on social media
Bottom of a page