New Era Newspaper

MTC Shares
Icon Collap
...
Home / UNDP a yandja efano lomavava kopolifi

UNDP a yandja efano lomavava kopolifi

2021-07-30  Festus Hamalwa

UNDP a yandja efano lomavava kopolifi
Top of a Page

Ehangano loiwana yahangana loUnited Nations Development Program (UNDP) ola yandja efano hali tuka (drone) kouministeli woikwameni, netonatelo lokeengamba.

Efano olo ola longwa pamukalo woshinanena shaashi ohali ka tuka mombada tali faneke, opo itapa hangwa kovapolifi, oshinima osho tashu pupaleke oilonga yopolifi.

Kakukutu komatanga opolifi Lieutenant General Sebastian Ndeitunga okwa tambula ko efano olo nolupandu linene, ta ti okwa pandula unene UNDP eshi la yandja efano loshinanena koshikondo shavo shaashi paife otava ka longa noupu oku lwifa oimbuluma moshilongo.

Ndeitunga ta ti oshikondo shopolifi otashi kala tashi longo noupu ngeenge tashi yambidwa oku pewa oilongifo yopashinanena ngaashi naana eshi sha pewa kuUNDP

“UNDP okwa fya oshisho kutya moshilongo shetu omuna eameno. Onghee eshi osho omukalo muwa wokulwifa oimbuluma shaashi paife ohatu kala hatu kongo eembudi noupu nokashina a ka twa pewa,” Ndeitunga ta ti.

Moshipopiwa shaye omukalelipo wehangano loUNDP moNamibia Alka Bhatia okwa ti efano ohali ningi oilonga yovanhu ipu shaashi ihali pula eenghono, ndele ola pumbwa ashike omunhu eli pedu teli linyengifa nokafemouta ye ta ningi omakonakono kombinga yomalinyengo ako, onghee oshikondo shopolifi mopaife itashi ka longa vali noudjuu ngaashi oku taataya eembudi neetuwa. 

“Onde linekela kutya efano eli otali ka eta omalunduko mahapu mokulwifa oimbuluma moNamibia shaashi ohali longo noufiku,” Bhatia ta ti.

Okwa popya ta ti UNDP otai twikile nokukala tai yandje omakwafo kuNamibia opo ku hangwe elalakano nomafaneko, omahambulepo omo momud0 2030 ngaashi naana tai lalakanene.


2021-07-30  Festus Hamalwa

Share on social media
Bottom of a page