New Era Newspaper

New Era Epaper
Icon Collap
...
Home / Uuleli kawu na ombiliha – Geingob ta ti

Uuleli kawu na ombiliha – Geingob ta ti

2022-08-22  Victoria Kaapanda

Uuleli kawu na ombiliha – Geingob ta ti

Ito vulu okulongitha iingangamithi, ihe owa hala okukala omuleli monakuyiwa, itashi shiwa nando.

Dhoka okwa li dha popiwa komupresidente Hage Geingob oshiwike sha zi ko, pethimbo lyomutumba omutiheyali gwewawa lyaanyasha oSwapo, ngoka kwa li gwaningwa mOngwediva moshitopolwa shaShana.

“Kape na onkolwe nenge omuhili gwiingangamithi ta vulu okulela oshigwana, ota lele shike nota lele ngiini? Ota ndopa,” Geingob ta ti ngaaka.

Ta ti, ngele ku na omikalo naakuluntu yoye oshowo nayakweni, holongo iilonga inaayi uka kuna esiku wulele oshigwana.

“Swapo okwa hala aanyasha yena omikalo, yena esimaneko, mboka taya vulu okukalela oshigwana monakuyiwa,” ta popi ngaaka. Geingob natango okwa kumagidha aanyasha kutya ngele itaya longele kumwe melandulathano, itayaka vula okulela oshigwana shika monakuyiwa.

Ta ti, okulela ka kuna ombiliha, ihe okulela ohaku pula esimaneko opamwe nelandulathano.

“AakwaSwapo ya manga uukumwe kumwe, oyo ashike taya vulu okulela oshigwana monakuyiwa, onkene ombili nelongelo kumwe na li pangele manyaasha, opo ya kale aaleli aawanawa,” ta kugidha ngaaka.

Omupresidente natango okwa popi kutya mboka taya popi kutya Swapo ota si, na yaye koheli.

“Swapo otaka lelele, ke na esiku ase. Keshi shapo Swapo ngoka nda tala nena mpaka oshoka kapena nando ongundu yimwe yompilameno tayi vulu okugongaleka aantu mongundu ngaashi ndjika methimbo eshona,” ta ti ngaaka.

Geingob okwa kumagidha aanyasha mboka kutya naya kale ya nyanyukwa oshoka oyo aaleli yoshigwana monakuyiwa.

“Sitheni ohoni mboka taya sheke nenge taya popile Swapo muuwinayi. Nye aanyasha muna oshilonga, tsikileni okukala mwa dhama mongundu ndjika tayi kalelele,” ta popi ngaaka.

Ta ti, oongundu dhoompilamena nadhi hulithe po okufundjaleka oshigwana kutya otadhi vulu okulela oshilongo omanga itaadhi vulu nokulela elelo lyondoolopa.

“kapena nando ongundu yimwe tayi vulu okulela, inadhi fundja. Okwa li nda lombwele omunilonga pamwe nangame kutya oya pumbwa okutala kutya okulela oku li ngiini, moomwendhi hamano oya manwa nale,” ta popi ngaaka.

-vkaapanda@nepc.com.na


2022-08-22  Victoria Kaapanda

Share on social media